एजेन्सी – घरेलु टोली इङ्ग्ल्यान्डविरुद्धको ५ ओडिआई सिरिज अस्ट्रेलियाले ३-२ ले जितेको छ । पहिलो र दोस्रो अस्ट्रेलियाले तथा तेस्रो र चौथो खेल इङ्ल्याण्डले जितेको थियो थियो ।

आइतवार भएको अन्तिम तथा निर्णायक खेल अस्ट्रेलियाले ४९ रनले डिएलएस पद्धति जितेको हो । ३ सय १० रनको लक्ष्य पछ्याएको अस्ट्रेलियाले २०.४ ओभरमा २ विकेट गुमाएर १ सय ६५ रन बनाउँदा भारी वर्षाका कारण खेल रोकिएको थियो । वर्षा नरोकिएपछि अस्ट्रेलिया डिएलएस पद्दतीमा विजयी भयो ।

वर्षा अघि कप्तान स्टिभ स्मिथ ४८ बलमा ३६ तथा जोस इङ्ग्लिस २८ रनमा नट आउट थिए । त्यसअघि ओपनर म्याथ्यु शर्टले ३० बलमा ५८ तथा अर्का ओपनर ट्राभिस हेडले २६ बलमा ३१ रन जोडेका थिए । घरेलु टोलीका लागि बाइडोन कार्स र म्याथ्यु पोटले समान १ विकेट लिए ।

त्यसअघि टस हारेर ब्याटिङको निम्ता पाएको इङ्ल्यान्डले ४९.२ ओभरमा अल आउट हुँदै ३ सय ९ रनको विशाल योगफल बनाएको थियो । टोलीका ओपनर बेन डकेटले ९१ बलमा १३ चौका र २ छक्काको सहयोगमा १ सय ७ रनको शतकीय इनिङ खेलेका थिए।

कप्तान ह्यारि ब्रुकले ७२, फिल साल्टले ४५, आदिल राशिदले ३६ तथा ज्याकोब बेथहेलले १३ रन जोडेका थिए। अस्ट्रेलियाका ट्राभिस हेडले ४ तथा आरोन हार्डि, एडम जाम्पा र ग्लेन म्याक्सवेलले समान २ विकेट लिए ।