3 hours ago
September 29, 2024
एजेन्सी – नामिबियामा आज सुरु भएको त्रिकोणात्मक टि ट्वान्टी आई सिरिजको पहिलो खेलमा युएईले घरेलु टोलीमाथि सहज जित हासिल गरेको छ ।
युएईले नामिबियामाथि ४० रनको जित निकालेको हो । जितसँगै तीन टोली सहभागी सिरिजमा २ अंकका साथ युएई शीर्ष स्थानमा छ ।
२ सय ४६ रनको विशाल लक्ष्य पछ्याएको नामिबियाले निर्धारित २० ओभरमा ८ विकेट गुमाएर २ सय ५ रन मात्र जोड्न सक्यो ।
नामिबियाका लागि ओपनर जेपी कोट्जेले सर्वाधिक ५५ तथा जेजे स्मिटले १९ बलमा ३८ रन जोडे । कप्तान ग्रहार्ड इरास्मसले १९ बलमा ३७, जान निकोल लेफ्टी इटनले २५ तथा जाय फ्रायलिंकले २० रन बनाए ।
युएईका लागि मोहम्मद जगदुल्लाह, अलि नासिर र बासिल हमिदले समान २ तथा बिष्नु सुकुमारन र आयान खानले समान १ विकेट लिए ।
त्यसअघि टस हारेर ब्याटिङको निम्ता पाएको युएईले २० ओभरमा २ विकेट गुमाएर २ सय ४५ रनको विशाल योगफल तयार गरेको थियो ।
टि ट्वान्टी आईमा युएईले बनाएको यो सबैभन्दा उच्च योगफल हो । यसअघि गएको अप्रिलमा बहराईनविरुद्ध उसले २ सय ३६ रनको योगफल तयार गरेको थियो ।
युएईका लागि ओपनरद्वय अलिसान सरफु र मोहम्मद वासिमले अर्धशतकीय ईनिङ खेल्दै पहिलो विकेटका लागि १ सय ३० रनको साझेदारी गरे ।
सरफुले ३३ बलमा ८ चौका र ४ छक्काको सहयोगमा ७३ तथा कप्तान वासिमले ५० बलमा ६ चौका र ६ छक्काको सहयोगमा नट आउट ८९ रन जोडे।
आसिफ खानले २२ बलमा ३९ तथा बासिल हमिदले १५ बलमा नट आउट ३७ रन बनाए । नामिबियाका लागि कप्तान ग्रेहार्ड इरास्मसले २ विकेट लिए ।
September 30, 2024
एजेन्सी – घरेलु टोली इङ्ग्ल्यान्डविरुद्धको ५ ओडिआई सिरिज अस्ट्रेलियाले ३-२ ले जितेको छ । पहिलो र दोस्रो अस्ट्रेलियाले तथा तेस्रो र चौथो खेल इङ्ल्याण्डले जितेको थियो थियो । आइतवार भएको अन्तिम तथा निर्णायक खेल अस्ट्रेलियाले ४९ रनले डिएलएस पद्धति जितेको हो । ३ सय १० रनको लक्ष्य पछ्याएको अस्ट्रेलियाले २०.४ ओभरमा २ विकेट गुमाएर १ […]
September 29, 2024
काठमाडौं(हाम्रो खेलकुद) – नेपालले क्यानडामा जारी टि ट्वान्टी लिगको ओमानविरुद्धको खेलमा शनिवार घरेलु टोलीसँग खेलेको प्लेईङ११ मा १ परिवर्तन गरेको छ । नेपालले शनिवार खेलेका तीव्र गतिका बलर सोमपाल कामीलाई बेन्चमा राख्दा गुलशन झालाई मौका दिएको छ । नेपालले क्यानडामा जारी त्रिकोणात्मक टि ट्वान्टी सिरिजमा ओमानविरुद्ध टस हारेको छ । ओमानका कप्तान अकिब इल्यासले टस […]
September 29, 2024
काठमाडौं (हाम्रो खेलकुद) – नेपालले क्यानडामा जारी त्रिकोणात्मक टि ट्वान्टी सिरिजमा ओमानविरुद्ध टस हारेको छ । ओमानका कप्तान अकिब इल्यासले टस जितेर बलिङ रोजे पछि नेपालले पहिला ब्याटिङ गर्दैछ । त्रिकोणात्मक टि ट्वान्टी सिरिजको पहिलो खेलमा शनिवार नेपाल क्यानडासँग १४ रनले पराजित भएको थियो। सिरिजमा यो नेपालको दोस्रो र ओमानको पहिलो खेल हो।