3 hours ago
September 27, 2024
काठमाडौं (हाम्रो खेलकुद)- नेपाल क्रिकेट संघ (क्यान) ले चालु आर्थिक वर्ष २०८१/ ८२ को लागि ६२ करोड रूपैयाँ अनुमानित बजेट पास गरेको छ। यो क्यानको इतिहासकै ठूलो बजेट हो ।
पोखरामा शुक्रवार सुरु भएको क्यानको वार्षिक साधारण सभामा कोषाध्यक्ष पदमबहादुर खड्काले प्रस्तुत गरेको अनुमानित बजेटलाई पास गरेको बताइएको छ।
त्यस्तै गत आर्थिक बर्ष २०८०/८१ को करिब ५२ करोड रुपैयाँ आयव्यय विवरणलाई पनि साधारण सभाले अनुमोदन गरेको क्यानका प्रवक्ता छुम्बी लामाले हाम्रो खेलकुद लाई जानकारी दिए।
क्यानका सचिव पारस खड्काले प्रस्तुत गरेको प्रगति विवरण पनि साधारण सभाले पास गरेको छ। उनले प्रस्तुत गरेको विवरणमा नेपालले खेलेको अन्तराष्ट्रिय प्रतियोगिता, राष्ट्रिय प्रतियोगिताहरू लगायत सम्पूर्ण कार्यक्रमहरू रहेको थियो।
सचिव खड्काले चालु आर्थिक वर्षको लागि पनि योजनाहरू प्रस्तुत गरेका थिए। केहि कार्यक्रमहरुमा आएको सल्लाह सुझावका आधारमा संसोधनसहित योजनाहरू पनि पारित भएको बताइएको छ।
क्यानका पूर्व अध्यक्ष स्वर्गीय जय कुमार नाथ शाहकल नाममा इलिट कप क्रिकेट गरिने कार्यक्रम रहेको छ। जसमा फर्म्यटाको भने टुङ्गो लागेको छैन। सातै वटा प्रदेशमा डेपलप्मेन्ट अफिसर नियुक्त गर्ने योजनामा समावेश छ।
साधारण सभामा क्यान बोर्डका सदस्य १५, प्रदेशबाट २३, जिल्लाबाट ४५, अम्पायर र प्रशिक्षक संघबाट प्रतिनिधि १-१ तथा विभिन्न उप-समितिका सदस्य गरी करिब १ सय २५ जना प्रतिनिधिको सहभागिता थियो।
त्यसअघि आजै गण्डकी प्रदेशका सामाजिक विकास, युवा तथा खेलकुद मन्त्री विन्दु कुमार थापाले साधारण सभाको उद्घाटन गरेका थिए। राष्ट्रिय खेलकुद परिषद्का सदस्य सचिव टंकलाल घिसिङको पनि उद्घाटन सत्रमा उपस्थिति थियो। साधारण सभा शनिवार सकिनेछ। गत वर्ष असोज ६ गते निर्वाचन पछि बसेको क्यानको यो पहिलो साधारणसभा हो।
September 27, 2024
एजेन्सी – तीन ब्याटरको शतकमा श्रीलंकाले न्युजिल्यान्डविरुद्धको दोस्रो टेस्टको पहिलो इनिङमा विशाल योगफल तयार गरेको छ । दुई टेस्ट सिरिजका लागि न्युजिल्यान्ड श्रीलंका भ्रमणमा छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ । गालेमा टस जितेर ब्याटिङको सुरुवात गरेको घरेलु टोलीले पहिलो इनिङ ५ विकेट गुमाएर ६ सय […]
September 27, 2024
एजेन्सी – क्यानडाले विश्वकप लिग टुमा लगातार चौथो जित हात पारेको छ । विश्वकप लिग टु अन्तर्गत घरेलु मैदानमा आयोजित त्रिकोणात्मक सिरिजको ४ खेलमा क्यानडाले जित निकालेको हो । लगातार चौथो जित हासिल गर्ने क्रममा बिहीवार क्यानडाले ओमानलाई ५ विकेटले हराएको थियो । १ सय ९९ रनको लक्ष्य क्यानडाले ४५.३ ओभरमा ५ विकेट गुमाएर पूरा […]
September 26, 2024
सुरज भण्डारी, टेक्सस (अमेरिका) अमेरिकाको टेक्सस राज्यको ग्राण्डपेरी शहरमा नेपालले अमेरिकासँग ३ टि ट्वान्टी आई सिरिज खेल्ने भएको छ । अमेरिका र स्कटल्याण्ड सम्मिलित आईसिसी विश्वकप लिग टु ओडिआई सिरिज खेल्न अमेरिका आउन लागेको नेपाली राष्ट्रिय क्रिकेट टोलीले त्यसअघि अमेरिकासँग टि ट्वान्टी सिरिज खेल्ने भएको हो । ग्रान्ड पेरी क्रिकेट स्टेडियममा हुने टि ट्वान्टी क्रिकेट […]