3 hours ago
September 27, 2024
एजेन्सी – क्यानडाले विश्वकप लिग टुमा लगातार चौथो जित हात पारेको छ ।
विश्वकप लिग टु अन्तर्गत घरेलु मैदानमा आयोजित त्रिकोणात्मक सिरिजको ४ खेलमा क्यानडाले जित निकालेको हो । लगातार चौथो जित हासिल गर्ने क्रममा बिहीवार क्यानडाले ओमानलाई ५ विकेटले हराएको थियो ।
१ सय ९९ रनको लक्ष्य क्यानडाले ४५.३ ओभरमा ५ विकेट गुमाएर पूरा गर्यो । टोलीका प्रगत सिंहले ९५ बलमा ८३ रनको अर्धशतकीय इनिङ खेलेका थिए।
श्रेयस मोभ्भाले ६० बलमा नट आउट ३६, ओपनर आरोन जोनसनले २७ बलमा ३१, अर्का ओपनर नवनित धालीवालले ६१ बलमा २५ तथा हर्ष ठाकरले १० रन जोडेका थिए ।
ओमानका लागि आयान खानले २ तथा कप्तान अकिब इल्यास, जिशान मक्शुद र सकिल अहमदले समान १ विकेट लिएका थिए ।
त्यसअघि टस हारेर ब्याटिङको निम्ता पाएको ओमानले निर्धारित ५० ओभरमा ८ विकेट गुमाएर १ सय ९८ रनको योगफल तयार गरेको थियो ।
टोलीका कश्यप प्रजापती र अकिब इल्यासले अर्धशतकीय ईनिङ खेले । कप्तान इल्यासले ९८ बलमा सर्वाधिक ६१ तथा प्रजापतीले १ सय बलमा ५२ रन बनाएका थिए । सकिल अहमदले २५ बलमा नट आउट २९ तथा आयान खानले १३ बलमा १२ रन बनाएका थिए ।
क्यानडाका लागि कलिम साना र प्रगत सिंहले समान २ तथा साद विन जाफर र हर्ष ठाकरले समान १ विकेट लिएका थिए । क्यानडाले पहिलो र तेस्रो खेलमा नेपाललाई तथा दोस्रो खेलमा ओमानलाई पराजित गरेको थियो ।
जितपछि १२ खेलमा १६ अंक जोड्दै शीर्ष स्थानमा छ । पराजित ओमान ८ खेलमा ६ अंकका साथ छैटौं स्थानमा छ । नेपालसहित ८ टोली सहभागी लिग टुमा हरेक टोली सन् २०२७ सम्ममा ३६ ओडिआई खेल खेल्नेछन् ।
अंक तालिकाको शीर्ष ४ टोलीले २०२७ मा हुने ओडिआई विश्वकप छनोटमा स्थान बनाउँने छन् । बाँकी ४ टोलीले भने विश्वकप छनोटमा स्थान बनाउँन प्लेअफ खेल्नु पर्ने हुन्छ ।
September 26, 2024
सुरज भण्डारी, टेक्सस (अमेरिका) अमेरिकाको टेक्सस राज्यको ग्राण्डपेरी शहरमा नेपालले अमेरिकासँग ३ टि ट्वान्टी आई सिरिज खेल्ने भएको छ । अमेरिका र स्कटल्याण्ड सम्मिलित आईसिसी विश्वकप लिग टु ओडिआई सिरिज खेल्न अमेरिका आउन लागेको नेपाली राष्ट्रिय क्रिकेट टोलीले त्यसअघि अमेरिकासँग टि ट्वान्टी सिरिज खेल्ने भएको हो । ग्रान्ड पेरी क्रिकेट स्टेडियममा हुने टि ट्वान्टी क्रिकेट […]
September 26, 2024
एजेन्सी – विकेटकिपर दिनेश चन्डिमलको शतकको सहयोगमा न्युजिल्यान्डविरुद्धको दोस्रो टेस्टमा श्रीलंकाले बलियो सुरुवात गरेको छ । दुई खेलको टेस्ट सिरिजका लागि न्युजिल्यान्ड श्रीलंका भ्रमणमा रहेको छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ । श्रीलंकाको गालेमा टस जितेर पहिले ब्याटिङको सुरुवात गरेको घरेलु टोलीले पहिलो दिनको खेल सकिदा […]
September 26, 2024
एजेन्सी – विश्वकप लिग टु अन्तर्गतको त्रिकोणात्मक ओडिआई सिरिजमा नामिबियाले युएईमाथि जित हासिल गरेको छ । १२औं खेलमा पाँचौ जित हात पार्ने क्रममा नामिबियाले युएईलाई बिहीवार ८ विकेटको फराकिलो अन्तरले पराजित गरेको हो । १ सय ९१ रनको लक्ष्य नामिबियाले २८.५ ओभरमा २ विकेट गुमाएर पूरा गर्यो । नामिबियाका मिचेल भान लिगेंन र कप्तान ग्रेहार्ड […]