10 hours ago
September 26, 2024
एजेन्सी – विश्वकप लिग टु अन्तर्गतको त्रिकोणात्मक ओडिआई सिरिजमा नामिबियाले युएईमाथि जित हासिल गरेको छ ।
१२औं खेलमा पाँचौ जित हात पार्ने क्रममा नामिबियाले युएईलाई बिहीवार ८ विकेटको फराकिलो अन्तरले पराजित गरेको हो ।
१ सय ९१ रनको लक्ष्य नामिबियाले २८.५ ओभरमा २ विकेट गुमाएर पूरा गर्यो । नामिबियाका मिचेल भान लिगेंन र कप्तान ग्रेहार्ड इरास्मसले अर्धशतक बनाए ।
लिगेंनले ४३ बलमा १२ चौका र २ छक्काको सहयोगमा सर्वाधिक ६७ रन जोडे । कप्तान इरास्मसले ४६ बलमा ६ चौका र ३ छक्काको सहयोगमा नट आउट ५९ रन बनाए ।
जेपी कोट्जेले ६३ बलमा ४० तथा जान ग्रीनले २१ बलमा नट आउट २१ रन जोडे । युएईका लागि विष्नु सुकुमार र बासिल हमिदले समान १ विकेट लिए ।
त्यसअघि वेन्डुरस क्रिकेट मैदानमा टस हारेर ब्याटिङको निम्तो पाएको युएईले ४३.२ ओभरमा अल आउट हुँदै १ सय ९० रनको योगफल तयार गरेको थियो ।
युएईका लागि अलि नासिरले ६२ बलमा ६१ रनको अर्धशतकीय इनिङ खेलेका थिए । अलिशान सरफुले २६ बलमा ३१, विष्नु सुकुमारनले ४३ बलमा ३०, आसिफ खानले ६२ बलमा २६ तथा बासिल हमिदले १५ बलमा १३ रन बनाए ।
नामिबियाका लागि जेजे स्मिटले ३, टान्जेनी लुंगामेनी र बर्नार्ड शोल्ट्ज समान २ तथा बेन सिकागो, शान फुचे र कप्तान ग्रेहार्ड इरास्मसले समान १ विकेट लिए ।
जितपछि १२ खेलमा ९ अंकका साथ नामिबिया चौथो स्थानमा छ । युएई ७ खेलमा २ अंकका साथ तालिकाको पुछारमा छ । क्यानडा ११ खेलमा १४ अंक सहित शीर्ष स्थानमा छ ।
नेपालसहित ८ टोली सहभागी लिग टुमा हरेक टोली २०२७ सम्ममा ३६ ओडिआई खेल खेल्नेछन् । अंक तालिकाको शीर्ष ४ टोलीले २०२७ मा हुने ओडिआई विश्वकप छनोटमा स्थान बनाउँने छन् । बाँकी चार टोलीले भने विश्वकप छनोटमा स्थान बनाउँन प्लेअफ खेल्नु पर्ने हुन्छ ।
September 26, 2024
सुरज भण्डारी, टेक्सस (अमेरिका) अमेरिकाको टेक्सस राज्यको ग्राण्डपेरी शहरमा नेपालले अमेरिकासँग ३ टि ट्वान्टी आई सिरिज खेल्ने भएको छ । अमेरिका र स्कटल्याण्ड सम्मिलित आईसिसी विश्वकप लिग टु ओडिआई सिरिज खेल्न अमेरिका आउन लागेको नेपाली राष्ट्रिय क्रिकेट टोलीले त्यसअघि अमेरिकासँग टि ट्वान्टी सिरिज खेल्ने भएको हो । ग्रान्ड पेरी क्रिकेट स्टेडियममा हुने टि ट्वान्टी क्रिकेट […]
September 26, 2024
एजेन्सी – विकेटकिपर दिनेश चन्डिमलको शतकको सहयोगमा न्युजिल्यान्डविरुद्धको दोस्रो टेस्टमा श्रीलंकाले बलियो सुरुवात गरेको छ । दुई खेलको टेस्ट सिरिजका लागि न्युजिल्यान्ड श्रीलंका भ्रमणमा रहेको छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ । श्रीलंकाको गालेमा टस जितेर पहिले ब्याटिङको सुरुवात गरेको घरेलु टोलीले पहिलो दिनको खेल सकिदा […]
September 25, 2024
काठमाडौं(हाम्रो खेलकुद) – नेपाली राष्ट्रिय टोलीका सदस्य सन्दीप लामिछानेले ओडिआई क्रिकेटको अलराउन्डर वरियतामा व्यापक सुधार गरेका छन् । अन्तर्राष्ट्रिय क्रिकेट काउन्सिल (आईसिसी)ले जारी गरेको पछिल्लो वरियतामा सन्दीपले आफ्नो वरियतामा व्यापक सुधार गरेका हुन् । नयाँ वरियतामा सन्दीप २२ स्थान सुधार गर्दै संयुक्त ४१ औं स्थानमा उक्लिएका छन् । अष्ट्रेलियाका एडम जाम्पा र ट्राभिस हेडको पनि […]