1 hour ago
September 24, 2024
सुमन अधिकारी,बुटवल
लुम्बिनी प्रदेशस्तरीय अन्डर-१९ क्रिकेट टोली छनोटका लागि आयोजित प्रतियोगिताको आफ्नो दोस्रो खेलमा पनि रुपन्देही विजयी भएको छ ।
रुपन्देहीको भैरहवास्थित सिद्धार्थ रंगशालामा मंगलवार भएको खेलमा रुपन्देहीले पाल्पा यु–१९ लाई २ सय ९१ रनले पराजित गरेको हो । रुपन्देहीले पहिलो खेलमा नवलपरासीलाई हराएको थियो ।
टस जितेर ब्याटिङ गरेको रुपन्देहीले निर्धारित ५० ओभरमा ७ विकेट गुमाउँदै ३ सय ७३ रनको विशाल स्कोर खडा गरेको थियो ।
रुपन्देहीका लागि ४ जना खेलाडीले अर्ध शतक बनाएका थिए । रुपन्देहीका लागि विजय प्रजापतीले ९६, समिर अलीले ६८, सन्तोष साउदले ५७ र सन्तोष यादवले ५१ रन बनाएका थिए ।
बलिङमा पाल्पाका रोशन बश्याल, नरबहादुर सार्की र उदय महर्जनले समान २ तथा सुदर्शन भण्डारीले १ विकेट लिए ।
३ सय ७४ रनको लक्ष्यको लागि जवाफी ब्याटिङमा मैदान उत्रेको पाल्पा ३४.२ ओभरमा मात्र ८२ रन बनाउँदै अलआउट भयो ।
पाल्पा सस्तैमा रोक्ने क्रममा रुपन्देहीका रमेश कुर्मीले ३, सुमित पराजुली र सुरज खड्काले समान २–तथा सागर गैरे र सन्तोष यादवले समान १ विकेट लिएका थिए।
पाल्पाका अमित अधिकारीले ३३ र कुशल ढकालले १३ रन बाहेक अन्य कुनै पनि ब्याटरले दोहोरो अंकमा बनाउन सकेनन् । खेलमा रुपन्देहीका विजय प्रजापती प्लेयर अफ द म्याच घोषित भए ।
बुधवार रुपन्देही र कपिलबस्तुकाबीच खेल हुने छ ।
लुम्बिनी प्रदेशका ७ जिल्ला रुपन्देही, नवलपरासी, पाल्पा, कपिलबस्तु, बाँके, बर्दिया र दाङ सहभागी टिमलाई दुई समुहमा विभाजन गरि प्रतिस्पर्धा गराएको प्रशिक्षक एंवम् पूर्व राष्ट्रिय खेलाडी शक्ति गौचनले बताए ।
छनोटबाट लुम्बिनी प्रदेश स्तरीय यु-१९ क्रिकेट टोली तयार गरिनेछ ।
September 24, 2024
एजेन्सी – मिलान्ड कुमारको कीर्तिमानी शतकको सहयोगमा अमेरिकाले विश्वकप लिग टुमा लगातार चौथो जित हासिल गरेको छ । नामिबियामा जारी लिग टु अन्तर्गतको त्रिकोणात्मक सिरिजमा मंगलवार युएईलाई १ सय ३६ रनले हराउँदै अमेरिकाले लगातार चौथो जित निकालेको हो । ३ सय ४० रनको विशाल लक्ष्य पछ्याएको युएईले ३६.२ ओभरमा अल आउट हुदै २ सय ३ […]
September 24, 2024
काठमाडौं(हाम्रो खेलकुद) – लगातार हारसँगै लय गुमाएको नेपालले विश्वकप लिग टु अन्तर्गतको त्रिकोणात्मक ओडिआई सिरिजको चौथो खेलमा ओमानसँग खेल्दैछ । निरन्तर हारका कारण दबाबमा रहेको नेपालले ओमानसँगको खेल नेपाली समय अनुसार मंगलवार बेलुका ८ः४५ बजे क्यानडाको किंग्स सिटी क्रिकेट मैदानमा खेल्दैछ । त्रिकोणात्मक ओडिआई सिरिजको पहिलो खेलमा क्यानडासँग १ सय ३ रनको फराकिलो अन्तरले पराजित […]
September 23, 2024
काठमाडौं (हाम्रो खेलकुद)- बागमती प्रदेश क्रिकेट संघको तेस्रो साधारण सभा आज सम्पन्न भएको छ। साधारण सभामा बागमती प्रदेशका ४ खेलाडी सम्मानित भए। वर्ष पुरूष खेलाडीबाट सूर्य तामाङ र बर्ष महिला खेलाडीबाट खुशी डंगोल सम्मानित भए। उनीहरूलाई जनही ३० हजार रुपैयाँ प्रदान गरिएको छ। यसैगरी उदयीमान पुरूष खेलाडीबाट आशुतोष घिरोयिया र महिलाबाट हेलिसा गुरूङ सम्मानित भएका […]