3 hours ago
September 24, 2024
एजेन्सी – मिलान्ड कुमारको कीर्तिमानी शतकको सहयोगमा अमेरिकाले विश्वकप लिग टुमा लगातार चौथो जित हासिल गरेको छ ।
नामिबियामा जारी लिग टु अन्तर्गतको त्रिकोणात्मक सिरिजमा मंगलवार युएईलाई १ सय ३६ रनले हराउँदै अमेरिकाले लगातार चौथो जित निकालेको हो ।
३ सय ४० रनको विशाल लक्ष्य पछ्याएको युएईले ३६.२ ओभरमा अल आउट हुदै २ सय ३ रन मात्र बनाउन सक्यो । टोलीका आसिफ खान, बासिल हमिद र राहुल चोपराले अर्धशतक बनाए पनि जित दिलाउन सकेनन् ।
राहुलले ४४ बलमा सर्वाधिक ५२, आसिफ खानले ४९ बलमा ५१ तथा बासिलले ४३ बलमा नट आउट ५० रन जोडे । कप्तान मोहम्मद वासिमले १२,आर्याशं शर्माले ११ तथा आयान खानले १० रन बनाए ।
अमेरिकाका लागि सौरभ नेत्राभाल्कर र नोष्तुश केन्जिकेले समान ३ तथा जसदिप सिंहले १ विकेट लिए ।
त्यसअघि युनाईटेड क्रिकेट मैदानमा टस हारेर पहिले ब्याटिङ गरेको अमेरिकाले ५० ओभरमा ४ विकेट गुमाएर ३ सय ३९ रनको विशाल योगफल तयार गरेको थियो । अमेरिकाका लागि साईतेजा मुककामल्ला र मिलान्डले शतकीय ईनिङ खेले ।
मिलान्डले १ सय १० बलमा १६ चौका र ५ छक्काको सहयोगमा नट आउट १ सय ५५ रन बनाए । मिलान्डले लिग टु कै इतिहासमा सर्वाधिक व्यक्तिगत स्कोर बनाए ।
यसअघि नामिबिया जेपी कोट्जेले अमेरिकाविरुद्ध यो कीर्तिमान बनाएका थिए । कोट्जेले नट आउट रहदै १ सय ३६ रन बनाएका थिए ।
मुककामल्लाले ९९ बलमा १५ चौका र १ छक्काको सहयोगमा १ सय ७ रन बनाएका थिए । ओपनर स्मिथ पटेलले ५८ बलमा ४९ तथा आन्द्रेश गौस र कप्तान मोनांक पटेलले समान ५ रन बनाए ।
युएईका लागि आयान खानले २ तथा जुनैद सिद्धिकी र अलि नासिरले समान १ विकेट लिए ।
पहिलो खेलमा नामिबियालाई ६ विकेटले हराएको अमेरिकाले दोस्रो खेलमा युएईलाई १० विकेटले हराएको थियो । तेस्रो खेलमा अमेरिकाले फेरि घरेलु टोलीलाई ७ विकेटले पराजित गरेको थियो ।
अमेरिकाले नामिबियाको त्रिकोणात्मक ओडिआई सिरिजमा आफ्नो चार नै खेल जितेको छ । अब अमेरिकाको ८ खेलमा १२ अंकका साथ दोस्रो स्थानमा उक्लिएको छ । पराजित युएई ६ खेलबाट २ अंक जोड्दै पुछारमा छ । समान २ अंक रहेको नेपाल भने पुछारबाट दोस्रो स्थानमा छ ।
September 24, 2024
सुमन अधिकारी,बुटवल लुम्बिनी प्रदेशस्तरीय अन्डर-१९ क्रिकेट टोली छनोटका लागि आयोजित प्रतियोगिताको आफ्नो दोस्रो खेलमा पनि रुपन्देही विजयी भएको छ । रुपन्देहीको भैरहवास्थित सिद्धार्थ रंगशालामा मंगलवार भएको खेलमा रुपन्देहीले पाल्पा यु–१९ लाई २ सय ९१ रनले पराजित गरेको हो । रुपन्देहीले पहिलो खेलमा नवलपरासीलाई हराएको थियो । टस जितेर ब्याटिङ गरेको रुपन्देहीले निर्धारित ५० ओभरमा ७ […]
September 24, 2024
काठमाडौं(हाम्रो खेलकुद) – लगातार हारसँगै लय गुमाएको नेपालले विश्वकप लिग टु अन्तर्गतको त्रिकोणात्मक ओडिआई सिरिजको चौथो खेलमा ओमानसँग खेल्दैछ । निरन्तर हारका कारण दबाबमा रहेको नेपालले ओमानसँगको खेल नेपाली समय अनुसार मंगलवार बेलुका ८ः४५ बजे क्यानडाको किंग्स सिटी क्रिकेट मैदानमा खेल्दैछ । त्रिकोणात्मक ओडिआई सिरिजको पहिलो खेलमा क्यानडासँग १ सय ३ रनको फराकिलो अन्तरले पराजित […]
September 23, 2024
काठमाडौं (हाम्रो खेलकुद)- बागमती प्रदेश क्रिकेट संघको तेस्रो साधारण सभा आज सम्पन्न भएको छ। साधारण सभामा बागमती प्रदेशका ४ खेलाडी सम्मानित भए। वर्ष पुरूष खेलाडीबाट सूर्य तामाङ र बर्ष महिला खेलाडीबाट खुशी डंगोल सम्मानित भए। उनीहरूलाई जनही ३० हजार रुपैयाँ प्रदान गरिएको छ। यसैगरी उदयीमान पुरूष खेलाडीबाट आशुतोष घिरोयिया र महिलाबाट हेलिसा गुरूङ सम्मानित भएका […]