काठमाडौं(हाम्रो खेलकुद) – आइसिसी विश्वकप लिग टुको क्यानडाविरुद्ध नेपालले खराब सुरुवात गरेको छ । टस जितेर ब्याटिङ गरिरहेको नेपालले १३ ओभरको समाप्तीमा ५ विकेट गुमाएर ३८ रन मात्र बनाएको छ ।

नेपालले पहिलो विकेटका रुपमा ओपनर आसिफ शेखलाई गुमाएको थियो । आसिफ २ रन बनाउँदै कलिम सानाको बलमा आउट भएका हुन् । आसिफ २ रन बनाउदै कलिम सानाको बलमा बोल्ड आउट भए ।

दोस्रो विकेटका रुपमा तेस्रो नम्बरमा ब्याटिङमा आएका भीम सार्की सानाकै बलमा आउट भए । भीमले ४ रन मात्र बनाएका थिए । भीम विकेट किपर श्रेयस मोभ्भाबाट कट बिहाइन्ड भएका थिए ।

तेस्रो विकेटका रुपमा अर्का ओपनर अर्जुन साउद डेलिन हेलिगरको बलमा आउट भए । अर्जुनले १० रन जोडेका थिए । अर्जुन साद विन जाफरबाट समातिएका थिए । चौथो विकेटका रुपमा कप्तान रोहित पौडेल ४ रन बनाउँदै रन आउट भए ।

पाँचौ विकेटका रुपमा अनिल शाह १ रन बनाउदै प्रविन कुमारको बलमा आउट भए । अनिल लामो सट खेल्ने क्रममा बाउन्ड्रीमा हर्ष ठाकरबाट समातिए । क्रिजमा अहिले कप्तान गुलसन झा र आरिफ शेख ५ रनमा रहेका छन् ।