काठमाडौं (हाम्रो खेलकुद) – विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको दोस्रो खेलमा ओमानविरुद्ध नेपालका कप्तान रोहित पौडेल र आरिफ शेखले नेपालको इनिङ सम्हालिरहेका छन् ।

आरिफ र रोहितले चौथो विकेटका लागि ६० रनको साझेदारी पूरा गरेका छन् । नेपालका लागि १३.१ ओभरमा भीम सार्की आउट भएका थिए । नेपालले ३० ओभरको समाप्तीमा ३ विकेट गुमाएर रन बनाएको छ । आरिफ २८ र रोहित ३० रनमा छन् ।

नेपालका दुवै ओपनर अर्जुन साउद आसिफ शेख तथा भीम सार्की आउट भइसकेका छन् । साउद चौथो ओभरको पहिलो बलमा आउट भएका थिए । करिब १५ महिना पछि नेपाली टिममा फर्किएका अर्जुन साउद १२ बलमा ५ रन बनाउदै आउट भएका हुन् । अर्जुन कलिमुल्लाहको बलमा फैयज बटबाट क्याच भएका थिए ।

अर्का ओपनर आसिफ शोयब खानको बलमा ११ औ ओभरको तेस्रो बलमा ११ रन बनाउँदै आउट भए । तेस्रो विकेटका रुपमा भीम फैयज बटको बलमा ११ रन बनाउदै आउट भएका हुन् । नेपालले टस हारेर पहिले ब्याटिङ गरीरहेको छ ।

ओमानविरुद्धको खेलमा नेपाली टोलीमा तीन परिवर्तन भएको छ । सोमबार क्यानडासँगको खेलमा टिममा रहेका कुशल भुर्तेल, कुशल मल्ल र दीपेन्द्र सिंह ऐरी बेन्चमा रहेका छन् । उनीहरुको स्थानमा अर्जुन साउद, अनिल कुमार शाह र आरिफ शेखले मौका पाएका छन् ।