काठमाडौं(हाम्रो खेलकुद) – नेपाली महिला यु१९ को मुख्य प्रशिक्षकमा महेश रिजाल चयन भएका छन् ।

नेपाल क्रिकेट संघ (क्यान) ले बुधवार रिजाललाई टोलीको प्रशिक्षकको जिम्मेवारी दिइएको प्रवक्ता छुम्बी लामाले बताए ।

क्यानले बुधवार नै महिला टि ट्वान्टी विश्वकपको एसिया छनोटको बन्द प्रशिक्षणका लागि २९ सदस्यीय टोलीको घोषणा गरिएको छ ।

टोलीको बन्द प्रशिक्षण दाङको लमही क्रिकेट मैदानमा हुने क्यानको बोर्ड बैठकले यसअघि नै निर्णय गरिसकेको थियो । मंगलवार मात्र विश्वकप एसिया छनोटको खेल तालिका जारी गरेको हो । प्रतियोगिता राउन्ड रोविन लिगका आधारमा हुनेछ ।

खेलतालिका अनुसार नेपालको पहिलो खेल कात्तिक २१ गते थाईल्यान्डसॅंग र दोस्रो खेलमा कात्तिक २२ गते कुवेतसॅंग छ । कात्तिक २४ गते घरेलु टोलीसॅंग खेल्ने नेपालको चौथो खेलमा कात्तिक २५ गते थाइल्यान्डसॅंग हुनेछ ।

पाचौं खेलमा कात्तिक २७ गते कुवेतसॅंग खेल्ने नेपालको‌ अन्तिम खेलमा कार्तिक २८ मा युएईसॅंग रहेको छ । ४ टोली सहभागी रहने छनोटको शीर्ष टोली विश्वकपका लागि छनोट हुनेछ । विश्वकप अर्को वर्ष मलेसियामा आयोजना हुँदैछ ।

नेपाली यु १९ प्रशिक्षणमा रहेका खेलाडी

सोनी पाख्रिन, अलिया यादव, मनिशा उपाध्याय, कृष्मा गुरुङ, विपिशा शाही, पुजा साउद, साना प्रविन, प्रतिमा शाह, स्नेहा महरा, साबित्रा धामी, अनु कडायत, मनिष बोहोरा, कृष्मा थापा, रबिना साउद, सुस्मिता भुषाल, किरन कुमारी कुँवर, तृषना विक, रिया शर्मा, अलिशा कुमारी यादव, भवानी कामत, आरती महतो, पूजा महतो, कुस्म गोदार, सिमाना केसी, ज्योत्सिका मरासिनी, निरु जिटी, सिराना थापा, रचना चौधरी, आश्मा पुलामी मगर