2 months ago
September 8, 2024
एजेन्सी – इङ्ग्ल्यान्डका अलराउन्डर मोइन अलीले अन्तर्राष्ट्रिय क्रिकेटबाट सन्न्यासको घोषणा गरेका छन् ।
मोइनले आइतवार सबै फर्म्याटको अन्तर्राष्ट्रिय क्रिकेटबाट सन्यास घोषणा गरेका हुन् । मोइनले इङ्ग्ल्यान्डका लागि सन् २०१४ देखि २०२४ सम्म २ सय ९८ अन्तर्राष्ट्रिय खेल खेलेका छन् । मोइनले २०२४ को आइसिसी पुरुष टि ट्वान्टी विश्वकपमा अन्तिम पटक खेलेका थिए ।
‘म ३७ वर्षको भएँ र यो महिना हुने अस्ट्रेलिया शृंखलाका लागि छनोट भएको छैन । मैले इङ्ग्ल्यान्डका लागि धेरै क्रिकेट खेलेको छु । यो अर्को पुस्ताको लागि समय हो । यो समय सही छ जस्तो लाग्यो। मैले राष्ट्रिय टोलीबाट आफ्नो भूमिका राम्रोसँग निर्वाह गरेको छु,’ मोइनले भने ।
मोइनले २०१४ मा वेस्ट इन्डिजविरुद्ध अन्तर्राष्ट्रिय क्रिकेटमा डेब्यु गरेका थिए । उनले ६ हजार ६ सय ७८ अन्तर्राष्ट्रिय रन बनाउनुका साथै ३ सय ६६ विकेट लिएका छन् । उनले सिनियर पुरुष टोलीबाट सन् २०१९ को क्रिकेट विश्वकप र २०२२ को टि ट्वान्टी विश्वकप जितेका थिए ।
November 18, 2024
काठमाडौं (हाम्रो खेलकुद) – काठमाडौं गुर्खाजले सिद्धार्थ बैंक नेपाल प्रिमियर लिग (एनपिएल) का लागि आइतवार आफ्नो जर्सी सार्वजनिक गरेको छ । काठमाडौं स्पोर्ट्स डेभलपमेन्ट भेन्चरको स्वामित्वमा रहेको काठमाडौं गुर्खाजको ‘मार्की’ खेलाडी करण केसी, टोली प्रवर्द्धक एवं पूर्वमिस नेपाल शृंखला खतिवडा र गुर्खाजका क्रिकेट एम्बासडर एवं नेपाली राष्ट्रिय महिला टोलीकी कप्तान इन्दु बर्माले जर्सी सार्वजनिक गरेका […]
November 17, 2024
धनगढी (हाम्रो खेलकुद)- सिद्धार्थ बैंक नेपाल प्रिमियर लिग (एनपिएल) फ्रेन्चाइज टोली सुदूरपश्चिम रोयल्सले आइतवार ट्यालेन्ट हन्ट सम्पन्न गरेको छ । धनगढी क्रिकेट एकेडेमीको मैदानमा ट्यालेन्ट हन्ट संचालन भएको थियो । एनपिएल खेल्ने आशाका साथ आफूमा रहेको क्षमता प्रस्फुटन गर्न प्रदेश भरका युवाहरुको ट्यालेन्ट हन्टमा उत्साहजनक सहभागिता रहेको थियो । नेपाल क्रिकेट संघ क्यान (क्यान) ले […]
November 17, 2024
एजेन्सी – अस्ट्रेलियासँगको पर्थमा हुने बोर्डर गावस्कर ट्रफीको पहिलो खेलमा भारतीय टोलीको कप्तानी तीव्र गतिका बलर जसप्रित बुमराहले गर्ने भएका छन् । पर्थको ओप्टस स्टेडियममा नोभेम्बर २२ देखि सुरु हुने बोर्डर–गावस्कर ट्रफीको पहिलो टेस्टमा नियमित कप्तान रोहित शर्मा नहुने भएपछि उपकप्तान बुमराहले टोलीको कप्तानी गर्ने भएका छन् दोस्रो सन्तानको जन्मका लागि स्वदेशमै रहेका रोहित एडिलेडमा […]
