एजेन्सी – कप्तान ओली पोपको शतक बनाए पनि अन्य ब्याटर चल्न नसक्दा श्रीलंकाविरुद्धको तेस्रो टेस्टमा इङ्ग्ल्यान्ड पहिलो इनिङमा ३ सय २५ रनमा अलआउट भएको छ । टेस्ट सिरिज लागि श्रीलंका इङ्ग्ल्यान्ड भ्रमणमा रहेको छ ।

टस हारेर ब्याटिङको निम्तो पाएको घरेलु टोलीका लागि यो सिरिजमा कप्तानी सम्हालिरहेका ओली १ सय ५६ बलमा १ सय ५४ रन बनाएका थिए ।

ह्यारि ब्रुकले १९, ओपनर बेन डुकेटले ७९ बलमा ८६, जो रुटले १३ र ड्यान लरेन्सले ५, जेमी स्मिथले १६ तथा ओली स्टोन १५ रनमा नट आउट रहे । एक समय २ सय ६१ रनमा ३ विकेट गुमाएर बलियो स्थितीमा रहेको घरेलु टोलीले बाँकी ६४ रन जोड्दा ७ विकेट गुमायो ।

श्रीलंकाका लागि मिलन रत्नायकेले ३, लाहिरु कुमारा, विष्व फर्नान्डो र धन्नजय डि सिल्भाले समान २ तथा आसिथा फर्नान्डोले १ विकेट लिए ।

दोस्रो दिन शनिवार नै पहिलो इनिङको ब्याटिङ सुरुवात गरेको पाहुना टोलीले ५ विकेट गुमाएर २ सय ११ रन बनाएको छ । पाहुना टोलीका धन्नजय डि सिल्भा र कमान्डु मेन्डिस अर्धशतकका साथ नट आउट रहेका छन् । ओपनर पथुम निशंकाले ६४, कुशल मेन्डिस १४ रन बनाउदै आउट भए ।

इङ्ग्ल्यान्डले १ खेल अगावै सिरिज जितिसकेको छ ।पहिलो टेस्ट ५ विकेट तथा दोस्रो टेस्ट १ सय ९० रनले जितेको थियो ।