7 months ago
August 29, 2024
काठमाडौं (हाम्रो खेलकुद) – नेपाल क्रिकेट संघ (क्यान) को केन्द्रिय कार्यसमिति बैठकले देशका सबै ७ प्रदेश क्रिकेट संघका कुल ३५ खेलाडीलाई पारिश्रमिक उपलब्ध गराउने निर्णय गरेको छ ।
क्यानको विहीबार बसेको बैठकले हरेक प्रदेशबाट २ महिला र ३ पुरुष खेलाडीलाई मासिक जनही १५ हजार रुपैयाँका दरले पारिश्रमिक उपलब्ध गराउने निर्णय गरेको हो । क्यानले बजेट उपलब्ध गराउने भएपनि प्रदेश आफैंले नै खेलाडीसँग सम्झौता गर्ने पनि निर्णयमा उल्लेख छ ।
यसबाहेक विश्वकपमा उत्कृष्ट खेल प्रदर्शन गर्न सफल खेलाडी र मुख्य प्रशिक्षकलाई जनही ३ लाख रुपैयाँ तथा अन्य सपोर्ट स्टाफलाई जनही १ लाख ५० हजार रुपैयाँले प्रोत्साहन भत्ता दिने निर्णय क्यानले गरेको छ ।
यस्तै, क्यानले राष्ट्रिय क्रिकेट टोलीका पुर्व कप्तान लेख बहादुर क्षेत्रीको संयोजकत्वमा युनिल श्रेष्ठ र मुर्ताजा हलुवारी रहेको राष्ट्रिय छनोट समितीको निमार्ण गरेको छ । यसका लागि क्यानले केही समय अगाडी आवेदन मागेको थियो ।
बैठकले पहिलो संस्करणको नेपाल प्रिमियर लिग (एनपीएल) मा ८ टोली सहभागीता गराउने निर्णय पनि गरेको छ । पहिलो संस्करणको लिग मंसिर १५ देखि पुस ६ गतेसम्म आयोजना हुँदैछ । लिगमा रहने टोलीको नाम टोली मालिकको नाम भने सार्वजनिक भएको छैन ।
अन्य निर्णय हेर्नुहोस्:
April 4, 2025
एजेन्सी – लखनउ सुपर जायन्ट्सले इण्डियन प्रिमियर लिग (आइपिएल) मा मुम्बई इण्डियन्सविरुद्ध ८ विकेट गुमाएर २ सय ३ रनको बलियो योगफल तयार गरेको छ । अटल बिहारी वाजपेयी एकाना क्रिकेट स्टेडियममा घरेलु टोली लखनउले टस हारेर ब्याटिङको निम्तो पाएको थियो । लखनउका मिचेल मार्श र एडेन मारक्रमले अर्धशतक पूरा गरे । मार्शले ३१ बलमा ९ […]
April 4, 2025
एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]
April 4, 2025
एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ । नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ । ‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र […]