एजेन्सी – भारतले सन् २०२४ को महिला टि ट्वान्टी विश्वकपका लागि टोलीको घोषणा गरेको छ ।

यो वर्षको जुलाईमा भएको महिला टि ट्वान्टी एसिया कपको फाइनलमा स्थान बनाएको टोलीमा रहेका १५ मध्ये १३ खेलाडीले विश्वकप टोलीमा स्थान बनाएका छन् ।

एसिया कप टोलीमा रहेकि तनुजा कुवँर र उमा क्षेत्रीले विश्वकप टोलीमा समावेश छैनन् । भारतले क्षेत्रीको स्थानमा यास्तिका भाटिया र कुँवरको स्थानमा श्रेयंका पाटिललाई टोलीमा समावेश गरेको छ ।

समूह ‘ए’ मा रहेको भारतसँगै अस्ट्रेलिया, न्युजिल्यान्ड, पाकिस्तान र श्रीलंका छन् । भारत पहिलो पटक महिला टि ट्वान्टी विश्वकप को उपाधि जित्ने लक्ष्यमा छन् । महिला टि ट्वान्टी विश्वकपको ८औं संस्करण सकिदा भारत १ पटक फाइनल पुगेको छ ।

शारजाहमा अक्टोबर ३ देखि सुरु हुने प्रतियोगिताको फाइनल अक्टोबर २० मा दुबईमा हुनेछ । भारतले अक्टोबर ४ मा दुबईमा न्युजिल्याण्डसँग खेल्दै प्रतियोगिताको सुरुवात गर्नेछ । भारतले ६ अक्टोबरमा पाकिस्तानसँग दुबई मैदानमा नै खेल्नेछ ।

महिला टि ट्वान्टी विश्वकपका लागि भारतीय टोली

हरमनप्रीत कौर (कप्तान), स्मृति मन्धाना (उपकप्तान), यस्तिका भाटिया, शेफाली वर्मा, दीप्ति शर्मा, जेमिमा रोड्रिगेज, ऋचा घोष, पूजा वस्त्राकर, अरुणधति रेड्डी, रेणुका सिंह, डी हेमलता, आशा शोभना, राधा यादव, श्रेयांका पाटिल, सजीवन सजना

ट्राभल रिजर्व : तनुजा कुंवर, उमा छेत्री, साइमा ठाकोर