एजेन्सी – दुई खेलको टेस्ट सिरिजका लागि पाकिस्तान भ्रमणमा रहेको बंगलादेशले पहिलो इनिङमा सामान्य अग्रता बनाएको छ ।

पाकिस्तानको रावलपिन्डी क्रिकेट स्टेडियममा पाहुना टोली ५ सय ६५ रनमा अल आउट भयो । पहिलो इनिङमा बंगालादेशले १ सय १७ रनको अग्रता बनाएको थियो ।

टोलीका मुस्फिकुर रहिमले १ सय ९१ रनको शतकीय पारी खेले । ओपनर शदमान इस्लामले ९३, मेहेदी हसन मिराजले ७७, लिटन दासले ५६, मोमिनुल हकले ५०, साकिब अल हसनले १५, कप्तान नजमल हसन शान्तोले १६ तथा जाकिर हुसैन १२ रनमा जोडे ।

घरेलु टोलीका लागि नसिम शाहले ३, साहिन शाह अफ्रिदी, खुरम शाहजाद र मोहम्मद अलिले समान २ विकेट लिए ।

शनिवार नै दोस्रो इनिङको सुरुवात गरेको पाकिस्तानले १ विकेट गुमाएर २३ रन जोडेको छ । घरेलु टोलीका लागि अब्दुल्लाह शफिक १२ तथा कप्तान शान मक्सुद ९ रनमा नट आउट छन् । बंगालादेशका शरिफुल इस्लामले १ विकेट आफ्नो नाम गरेका छन् । चौथो दिनको खेल सकिदा पाकिस्तान ९४ रनले पछि रहेको छ ।

त्यसअघि टस हारेर ब्याटिङको निम्तो पाएको पाकिस्तानले ६ विकेट गुमाएर ४ सय ४८ रन जोड्दै पहिलो इनिङ समाप्तिको घोषणा गरेको थियो । घरेलु टोलीका लागि साउद सकिल र मोहम्मद रिजवानले शतकीय पारी खेलेका थिए ।

बंगलादेशका लागि हसन महमुद र शरिफुल इस्लामले समान २ तथा मेहिदी हसन मिराज र सकिब अल हसनले समान १ विकेट लिए । दुई टोलीबीचको दोस्रो टेस्ट अगस्ट ३० बाट सुरु हुनेछ ।