5 months ago
August 24, 2024
एजेन्सी – घरेलु टोलीले नेदरल्यान्ड्समा त्रिकोणात्मक टि ट्वान्टी आई सिरिजमा विजयी सुरुवात गरेको छ।
स्पोर्टपार्क मार्सचलकरवेर्ड, यूट्रेक्टमा शुक्रवार भएको खेलमा नेदरल्यान्ड्सले क्यानडा माथि ५ विकेटको जित निकालेको छ । सिरिजमा अर्को टोली अमेरिका छ।
क्यानडाले दिएको १ सय ५३ रनको मध्यम लक्ष्य नेदरल्यान्ड्सले १६.१ ओभरमा ५ विकेट गुमाएर पूरा गर्यो ।
नेदरल्यान्ड्सका लागि माइकल लेभिट र विक्रमजित सिंहले अर्धशतक पूरा गरे । लेभिटले ४७ बलमा ४ चौका र ३ छक्काको सहयोगमा सर्वाधिक ६२ जोडे।
विक्रमजित सिंहले २१ बलमा ५ चौका र ४ छक्काको सहयोगमा ५२ रन बनाए । म्याक्स ओडाउडले २३ रन थपे ।
क्यानडाका लागि हर्ष ठाकर र साद विन जाफरले समान २ तथा कलिम सानाले १ विकेट लिए ।
त्यसअघि टस जितेर ब्याटिङ गरेको क्यानडाले निर्धारित २० ओभरमा ५ विकेट गुमाएर १ सय ५२ रनको मध्यम योगफल तयार गरेको थियो ।
क्यानडाका कप्तान निकोलस किर्तनले ५८ बलमा ८ चौकाको सहयोगमा नट आउट रहँदै सर्वाधिक ६९ रन जोडे । रविन्द्रपाल सिंहले १८ बलमा १ चौका र ४ छक्काको सहयोगमा नट आउट ३९ रन बनाए ।
नेदरल्यान्ड्सका लागि काइल क्लेनले ३, जैच लायन कैचेट र ड्यानियल डोरमले समान १ विकेट लिए । सिरिजमा शनिवार क्यानडा र अमेरिकाबीच खेल हुँदैछ ।
January 10, 2025
काठमाडौं(हाम्रो खेलकुद) – राष्ट्रिय क्रिकेट टोलीका नियमित सदस्य सन्दीप लामिछाने पनि पाकिस्तान सुपर लिग (पिएसएल) २०२५ को ड्राफ्टमा परेका छन् । पाकिस्तान सुपर लिगले शुक्रवार जारी गरेको डायमण्ड क्याटगोरीमा सन्दीपलाई पनि समावेश गरेको हो । सन्दीपले २०१८/१९ को सिजन लाहोर कलन्दर्सबाट पिएसएल खेलिसकेका छन् । यसअघि गत बुधवार जारी सिल्भर क्याटगोरीको सुचीमा नेपालका ६ खेलाडी […]
January 10, 2025
काठमाडौं(हाम्रो खेलकुद) – मलेसियामा अर्को साताबाट सुरु हुने आइसिसी यु १९ महिला विश्व कपका लागि नेपाली युवा टोलीको बिदाइ भएको छ । नेपाल क्रिकेट संघ(क्यान) ले शुक्रवार पूजा महतोको कप्तानीमा रहेको टोलीको बिदाइ गरेको हो । युवा तथा खेलकुद मन्त्री तेजुलाल चौधरी तथा क्यानका पदाधिकारीले टोलीको बिदाइ गरे । क्यानले शनिवार पूजाको कप्तानीमा १५ सदस्यीय […]
January 10, 2025
काठमाडौं(हाम्रो खेलकुद) – नेपाली राष्ट्रिय क्रिकेट टिमका अलराउण्डरद्वय कुशल मल्ल र दीपेन्द्रसिंह ऐरी युएईमा आयोजना हुने अन्तर्राष्ट्रिय टि ट्वान्टी लिग(आईएल टि ट्वान्टी) मा सहभागी हुन त्यसतर्फ प्रस्थान गरेका छन् । कुशल र दीपेन्द्र शुक्रवार बिहान १० बजे त्यसतर्फ प्रस्थान गरेका हुन् । आईएल टि ट्वान्टीमा कुशल डेजर्ट भाईपर्समा अनुबन्ध हुँदा दीपेन्द्रलाई भने गल्फ जायन्ट्सले अनुबन्ध […]
