सागर अधिकारी, काठमाडौं

नेपाली पुरुष क्रिकेट टोलीले एकदिवसीय अन्तर्राष्ट्रिय (ओडिआई) मान्यता पाएको ६ वर्ष पूरा भइसकेको छ। यो बीचमा टोलीले ६६ ओडिआई खेलिसकेको छ । सन् २०१८ अगस्ट १ मा ओडिआई डेब्यु गरेको नेपालले यसबीचमा धेरै उपलब्धि हासिल गरेको छ ।

नेपालका लागि ओडिआई क्रिकेटमा ४१ खेलाडीले देशको प्रतिनिधित्व गरिसकेका छन् । पहिलो ओडिआई खेल देखि अहिलेसम्म पनि केही खेलाडी टोलीका नियमित सदस्य छन् । देशका लागि ओडिआई टोलीबाट सर्वाधिक खेल खेल्ने शीर्ष १० खेलाडी यसप्रकार रहेका छन् ।

१) रोहित कुमार पौडेल

टोली कप्तान समेत रहेका रोहितले नेपालका लागि सर्वाधिक ओडिआई खेलेका छन् । रोहितले हालसम्म ६१ ओडिआई खेलिसकेका छन् । रोहितले नेपालको लागि ऐतिहासिक रहेको ३ अगस्ट २०१८ मा नेदरल्यान्ड्सविरुद्धको खेलमा डेब्यु गरेका हुन् । सो खेल ओडिआई इतिहासमा नेपालले जित हात पारेको पहिलो खेल थियो । नेपालले उक्त खेलमा १ रनको रोमान्चक जित दर्ता गरेको थियो ।

रोहितले ६१ खेलमा १ शतक र ९ अर्धशतक सहित १ हजार ५ सय ८६ रन बनाएका छन् । रोहितले पपुवा न्युगिनी (पिएनजी) विरुद्ध बनाएको १ सय २६ रन नै उनको करियरमा १ इनिङमा बनेको सर्वाधिक रन हो । उनले पिएनजीविरुद्ध २५ मार्च २०२२ मा शतक बनाए थिए । उनले युएई, अमेरिका र पिएनजीसँग समान २, नामिबिया, स्कटल्यान्ड र क्यानडाविरुद्ध समान १ पटक अर्धशतक पूरा गरेका छन् ।

रोहितको नाममा ९ विकेट समेत छ । रोहितको करियरको उत्कृष्ट बलिङ क्यानडाविरुद्ध ८.५ ओभरमा २२ रन खर्चिएर ४ विकेट लिनु हो । उनले ओडिआईमा नेपालका लागि ५ प्लेयर अफ द म्याच समेत जितेका छन् ।

२) दीपेन्द्र सिंह ऐरी

टोलीका प्रमुख अलराउन्डर दीपेन्द्रसिंह ऐरी नेपालका लागि सर्वाधिक ओडिआई खेल्ने खेलाडीको सुचीमा दोस्रो नम्बरमा आउँछन् । उनले नेपालका लागि ५५ ओडिआई खेल खेलेका छन् । दीपेन्द्रले नेपालले नेदरल्यान्ड्समा घरेलु टोलीविरुद्ध खेल्दै डेब्यु गरेको ओडिआईमा आफ्नो पहिलो खेल खेलेका थिए ।

दीपेन्द्रले ५५ ओडिआई खेलमा १ शतक ३ अर्धशतक सहित ८ सय ९६ रन बनाएका छन् । उनले पिएनजीविरुद्ध बनाएको १ सय ५ रन नै करियरमा बनाएको उच्च स्कोर हो । पिएनजीविरुद्धको शतक दीपेन्द्रले २६ मार्च २०२२ मा बनाएका थिए । उनले युएईसँग २ र स्कटल्यान्डसँग १ पटक अर्धशतक पूरा गरेका थिए ।

दीपेन्द्रले हालसम्म ३८ विकेट आफ्नो नाममा लेखाएका छन् । युएईविरुद्ध ८ ओभरमा १८ रन खर्चिएर ३ विकेट लिनु नै दीपेन्द्रको बलिङमा करियर उत्कृष्ट प्रदर्शन हो । दीपेन्द्रले ओडिआईमा २ पटक प्लेयर अफ द म्याच जितेका छन् ।

३) सोमपाल कामी

टोलीका नियमित सदस्य सोमपाल कामी नेपालका लागि सर्वाधिक ओडिआई खेल्ने खेलाडीको सुचीमा तेस्रो स्थानमा छन् । सोमपालले नेपालका लागि ५४ ओडिआई खेलिसकेका छन् । सोमपालले पहिलो खेल नेपालले नेदरल्यान्ड्समा घरेलु टोलीविरुद्ध खेल्दै डेब्यु गरेको ओडिआईमा रहेको थियो ।

सोमपालले ओडिआईमा ७१ विकेट आफ्नो नाममा गरिसकेका छन् । युएईविरुद्ध ६.३ ओभरमा ३३ रन खर्चिएर ५ लिनु नै सोमपालको करियरको उत्कृष्ट बलिङ प्रदर्शन हो । सोमपालले ५४ ओडिआई खेलमा २ अर्धशतक सहित ५ सय ९६ रन बनाएका छन् । उनले ओमानविरुद्ध बनाएको नटआउट ६६ रन नै करियरको उच्च स्कोर हो । नेदरल्यान्ड्स र ओमानविरुद्ध समान १ अर्धशतक पूरा गरेका उनले ओडिआईमा २ पटक प्लेयर अफ द म्याच जितेका छन् ।

४) कुशल भुर्तेल

टोलीका नियमित सदस्य कुशल भुर्तेल नेपालका लागि सर्वाधिक ओडिआई खेल्ने खेलाडीको सुचीमा चौथो स्थानमा रहेका छन् । कुशलले नेपालका लागि ५२ ओडिआई खेल खेलेका छन् । कुशलले ७ सेम्टेम्बर २०२१ मा ओमानमा पिएनजीविरुद्धको खेलमा डेब्यु गरेका थिए ।

कुशलले ५२ ओडिआई खेलमा १ शतक र ८ अर्धशतक सहित १ हजार २ सय १९ रन बनाएका छन् । उनले नामिबियाविरुद्ध बनाएको १ सय १५ रन नै करियरको उच्च स्कोर हो । कुशलले पीएनजीसँग २ तथा अमेरिका, युएई, जिम्बाब्वे, क्यानडा र नेदरल्यान्ड्ससँग समान १ पटक अर्धशतक पूरा गरेका छन् ।

कुशलले ओडिआई करियरमा ११ विकेट लिएका छन् । नेदरल्यान्ड्सविरुद्ध ७ ओभरमा २० रन खर्चिएर ४ विकेट लिनु नै कुशलको बलिङ करियरको उत्कृष्ट प्रदर्शन हो । कुशलले ओडिआईमा ४ पटक प्लेयर अफ द म्याच जितेका छन् ।

*टोलीका नियमित सदस्यहरु आरिफ शेख, करण केसी र सन्दीप लामिछाने सर्वाधिक ओडिआई खेल्ने खेलाडीको सुचीमा पाँचौ स्थानमा छन् । तीनैले नेपालका लागि समान ५१ ओडिआई खेल खेलेका छन् ।

५) आरिफ शेख

नियमित सदस्य आसिफ शेख नेपालका लागि सर्वाधिक ओडिआई खेल्ने खेलाडीको सुचीमा पाँचौ स्थानमा रहेका छन् । आसिफले नेपालका लागि ५१ ओडिआई खेल खेलेका छन् । आरिफले १ अगस्ट २०१८ मा नेदरल्यान्ड्सविरुद्ध भएको नेपालको पहिलो ओडिआई खेलमा डेब्यु गरेका थिए ।

आरिफले ५१ ओडिआई खेलमा ६ अर्धशतकसहित ९ सय ६४ रन बनाएका छन् । आरिफले पिएनजी, ओमान, अमेरिका, नामिबिया र वेस्ट इन्डिजसँग समान १ अर्धशतक बनाएका छन् । आरिफले ओडिआई करियरमा अहिलेसम्म ६ विकेट लिएका छन् । पिएनजीविरुद्ध ६ ओभरमा १६ रन खर्चिएर १ विकेट लिनु नै उनको बलिङ करियरको हालसम्मकै उत्कृष्ट प्रदर्शन हो । आरिफले ओडिआईमा १ पटक प्लेयर अफ द म्याच जितेका छन् ।

५) करण केसी

करणले नेपालका लागि ५१ ओडिआई खेल खेलेका छन् । करणले १ अगस्ट २०१८ मा नेदरल्यान्ड्सविरुद्ध भएको नेपालको पहिलो ओडिआई खेलमा डेब्यु गरेका थिए । करणले ओडिआई करियरमा अहिलेसम्म ७४ विकेट लिएका छन् ।

करणले एकै इनिङमा ३ पटक ५ र ५ पटक ४ विकेट लिएका छन् । ओमानविरुद्ध ९ ओभरमा ३३ रन खर्चिएर ५ विकेट लिनु नै उनको बलिङ करियरको उत्कृष्ट प्रदर्शन हो । करणले ५१ ओडिआई खेलमा ४ सय १२ रन बनाएका छन् । उनलेले हालसम्म ओडिआईमा ४ पटक प्लेयर अफ द म्याच जितेका छन् ।

५) सन्दीप लामिछाने

सन्दीपले नेपालका लागि ५१ ओडिआई खेलेका छन् । सन्दीपले १ अगस्ट २०१८ मा नेदरल्यान्ड्सविरुद्ध भएको नेपालको पहिलो ओडिआई खेलमा डेब्यु गरेका थिए । उनले ओडिआई करियरमा अहिलेसम्म १ सय १२ विकेट लिएका छन् । सन्दीपले एकै इनिङमा ३ पटक ५ वा सो भन्दा बढी र ८ पटक ४ विकेट लिएका छन् ।

पिएनजीविरुद्ध ५.१ ओभरमा ११ रन खर्चिएर ६ विकेट लिनु नै उनको बलिङ करियरको उत्कृष्ट प्रदर्शन हो । सन्दीपले ५१ ओडिआई खेलमा ३ सय ७६ रन बनाएका छन् । उनले ओडिआईमा ४ पटक प्लेयर अफ द म्याच जितेका छन् ।

८) आसिफ शेख

टोलीका नियमित सदस्य आसिफ शेख नेपालका लागि सर्वाधिक ओडिआई खेल्ने खेलाडीको सुचीमा आठौं स्थानमा छन् । आसिफले नेपालका लागि ४९ ओडिआई खेलेका छन् । आसिफले ७ सेम्टेम्बर २०२१ मा ओमानमा पिएनजीविरुद्धको खेलमा डेब्यु गरेका थिए ।

आसिफले ४९ ओडिआई खेलमा १ शतक र १२ अर्धशतक सहित १ हजार ४ सय १ रन बनाएका छन् । उनले पीएनजीविरुद्ध बनाएको १ सय १० रन नै करियरको उच्च स्कोर हो । आसिफले पिएनजी, ओमान र नामियिासँग समान २ तथा अमेरिका, स्कटल्यान्ड, युएई, जिम्बाब्वे, भारत र नेदरल्यान्ड्ससँग समान १ पटक अर्धशतक पूरा गरेका छन् । आसिफले ओडिआईमा ५ पटक प्लेयर अफ द म्याच जितेका छन् ।

९) ज्ञानेन्द्र मल्ल

टोलीका पूर्व कप्तान ज्ञानेन्द्र मल्ल नेपालका लागि सर्वाधिक ओडिआई खेल्ने खेलाडीको सुचीमा नवौं स्थानमा छन् । उनले ३७ ओडिआई खेलेका छन् । ज्ञानेन्द्रले १ अगस्ट २०१८ मा नेदरल्यान्ड्सविरुद्ध भएको नेपालको पहिलो ओडिआई खेलमा डेब्यु गरेका थिए ।

ज्ञानेन्द्रले ३७ ओडिआई खेलमा ७ अर्धशतक सहित ८ सय ७६ रन बनाएका छन् । उनले ओमानविरुद्ध बनाएको ७५ रन नै करियरको उच्च स्कोर हो । ज्ञानेन्द्रले नामिबिया र ओमानसँग समान २ तथा अमेरिका, युएई र नेदरल्यान्ड्ससँग समान १ पटक अर्धशतक बनाए थिए । ज्ञानेन्द्रले ओडिआई करियरमा अहिले सम्म १ विकेट लिएका थिए ।

१०) कुशल मल्ल

टोलीका अर्का नियमित सदस्य कुशल मल्ल नेपालका लागि सर्वाधिक ओडिआई खेल्ने खेलाडीको सुचीमा दशौं स्थानमा रहेका छन् । उनले ३६ ओडिआई खेलेका छन् । कुशलले ८ फेब्रुअरी २०२० मा अमेरिकाविरुद्धको खेलमा डेब्यु गरेका थिए ।

कुशलले ३६ ओडिआईमा १ शतक र ४ अर्धशतक सहित ७ सय १६ रन बनाएका छन् । उनले ओमानविरुद्ध बनाएको १ सय ८ रन नै करियरको उच्च स्कोर हो । कुशलले अमेरिका, युएई, नामिबिया र स्कटल्यान्डसँग समान १ पटक अर्धशतक बनाएका छन् ।

कुशलले ओडिआई करियरमा २४ विकेट लिएका छन् । पिएनजीविरुद्ध ३ ओभरमा ६ रन खर्चिएर २ विकेट लिनु नै कुशलको बलिङ करियरको उत्कृष्ट प्रदर्शन हो । उनले ओडिआईमा १ पटक प्लेयर अफ द म्याच जितेका छन् ।