5 months ago
August 15, 2024
एजेन्सी – दक्षिण अफ्रिकाका पूर्व तीव्र गतिका बलर मोर्ने मोर्कल भारतीय पुरुष क्रिकेट टोलीको बलिङ प्रशिक्षकमा नियुक्त भएका छन् ।
भारतीय क्रिकेट कन्ट्रोल बोर्ड (बीसीसीआई) का सचिव जय शाहले बुधबार औपचारिक रुपमा उक्त सम्झौताको पुष्टि गरेका हुन् ।
मोर्केलले भारतका पारस म्हाम्ब्रेको स्थान लिएका हुन् । उनको नियुक्तिले प्रशिक्षक स्टाफ टोलीलाई पुर्णता दिएको छ ।
यसअघि भारतीय मुख्य प्रशिक्षकमा गौतम गम्भीर, सहायक प्रशिक्षकमा अभिषेक नायर तथा रायन टेन डोस्चेट र फिल्डिङ प्रशिक्षकमा टि दिलिपलाई समावेश भईसकेका छन् ।
मोर्केल गत डिसेम्बरसम्म पाकिस्तानको बलिङ प्रशिक्षकका रुपमा रहेका थिए । उनको नाम मुख्य प्रशिक्षक गम्भीरले सिफारिस गरेका थिए ।
गम्भिर र मोर्केलले सन् २०२२ र २०२३ को आपिएलमा लखनउ सुपर जायन्ट्स र एसए ट्वान्टीमा डर्बन सुपर जायन्ट्समा सँगै काम गरेका थिए ।
मोर्केलले १२ वर्षे अन्तर्राष्ट्रिय करियरमा ८६ टेस्ट, १ सय १७ ओडिआई र ४४ टि ट्वान्टी आई खेलेका छन् । जसमा उनले ५ सय ४४ अन्तर्राष्ट्रिय विकेट लिएका छन् । सन्यास लिएदेखि नै उनी विश्वका विभिन्न टिममा बलिङ कन्सल्ट्यान्टका रुपमा काम गर्दै आएका छन् ।
मोर्केलले २०२३ को महिला टि ट्वान्टी विश्वकपमा न्युजिल्यान्ड र २०२४ को पुरुष टि ट्वान्टी विश्वकपमा नामिबियाको बलिङ कन्सल्ट्यान्टका रुपमा काम गरेका थिए ।
January 2, 2025
एजेन्सी – ब्याटर कुशल परेराको शतकको सहयोगमा श्रीलंकाले घरेलु टोली न्युजिल्याण्डविरुद्ध सान्त्वना जित हात पारेको छ । न्युजिल्याण्डसँगको तेस्रो टि ट्वान्टी आईमा श्रीलंका ७ रनले विजयी भएको हो । तेस्रो खेल श्रीलंकाले जिते पनि यसअघिका दुवै खेल जितेर न्युजील्याण्डले सिरिज भने जितिसकेको थियो । श्रीलंकाले दिएको २ सय १९ रनको विशाल लक्ष्य पछ्याएको न्युजिल्याण्डले निर्धारित […]
January 2, 2025
काठमाडौं(हाम्रो खेलकुद) – जय ट्रफी मेन्स एलिट कपका लागि बागमती प्रदेशको टोली घोषणा भएको छ । बागमती प्रदेश क्रिकेट संघले बिहीवार सन्दीप लामिछानेको कप्तानीमा १५ सदस्यीय अन्तिम टोलीको घोषणा गरिएको हो । बागमती प्रदेशले गत साता प्रारम्भिक टोलीमा १८ खेलाडीलाई डाकेको थियो । प्रारम्भिक टोलीमा रहेका रोविन जोशी, अशोक पौडेल र दयानन्द मण्डललाई बाहिर राख्दै […]
January 1, 2025
काठमाडौं(हाम्रो खेलकुद) – तारकेश्वर युवा क्लबद्वारा आयोजित स्युचाटार क्रिकेट लिग इन्डोर टि-टेन प्रतियोगिताको क्वार्टरफाइनल समीकरण पूरा भएको छ । प्रतियोगितामा बुधवार लिग चरणको सबै खेल सकिएको छ। समूह ‘ए’ बाट क्रिकेट एक्सिलेन्स सेन्टर विजेता र चक्रवर्ती ल कलेज उपविजेता, समूह ‘बी’ बाट किंग्स क्रिकेट एकेडेमी विजेता र स्टुडियो सेभेन उपविजेता बन्दै अन्तिम ८ मा पुगेका […]
