3 months ago
July 27, 2024
एजेन्सी – ग्लोबल टि ट्वान्टी लिगको आफ्नो दोस्रो खेलमा नेपाली लेग स्पिनर सन्दीप लामिछाने र अलराउन्डर दीपेन्द्रसिंह ऐरी आबद्ध भेनकुवर नाईट्सले बंगाल टाइगर्सलाई जितका लागि १ सय ५३ रनको लक्ष्य दिएको छ ।
टस हारेर पहिले ब्याटिङ गरेको बंगालले निर्धारित २० ओभरमा ७ विकेट गुमाएर १ सय ५२ रन बनायो । बंगालका लागि इफ्तिखार अहमदले ४० बलमा ५० तथा हरजततुल्लाह जाजईले २८ बलमा ३३ रन बनाए । डिलान हेलिङ्गरले २७ र प्रगत सिंहले २० रन बनाए ।
भेनकुवरका लागि सन्दीपले २ विकेट लिए ।
यस्तो रह्यो सन्दीपको ४ ओभर
सन्दीपले पहिलो ओभरमा १८ रन खर्चिएर मंहगो साबित भए । पावर प्लेको समाप्तीसँगै सन्दीप बलिङमा आएका थिए । प्रगत सिंहलाई पहिलो बल गरेका उनले छक्काको सामना गरे । सातौं ओभरको दोस्रो बलमा सिंहले एक रन लिए ।
तेस्रो बलमा स्ट्राईकमा आएका हरजततुल्लाह जाजईले कुनै रन बनाउँन सकेनन् । चौथो बलमा जाजईले सन्दीपलाई छक्का प्रहार गरे ।
पाँचौ बलमा जाजईले एक रन लिए । स्ट्राईकमा आएका प्रगत सिंहले चौका प्रहार गर्दै सन्दीपको पहिलो ओभरलाई निकै मंहगो साबित गरिदिए ।
११ औं ओभरमा आफ्नो दोस्रो ओभर लिएर आएका सन्दीपले १ विकेट सहित मात्र २ रन खर्चिए । पहिलो र चौथो बलमा इफ्तिखार अहमद र कप्तान साकिब अल हसनले समान एक एक रन बनाए । ओभरको अन्तिम बलमा बंगालका कप्तान हसनलाई सन्दीपले एलबीडब्लु आउट गराए ।
तेह्रौं ओभरमा तेस्रो ओभर बलिङमा आएका सन्दीपले पहिलो बलमा नै डेविड विजेको विकेट लिदै राम्रो सुरुआत गरेका थिए । त्यसपछिका २ बलमा लगातार १/१ रन व्यहोरेका सन्दीपले चौथो र पाँचौ बल डट राखेका सन्दीपले अन्तिम बलमा १ रन खर्चिए ।
खेलको पन्ध्रौं ओभरमा सन्दीपले आफ्नो अन्तिम तथा चौथो ओभर लिएर आएका थिए । ओभरको पहिलो बल डट राखेका उनको दोस्रो बलमा इफ्तिखार अहमदले लामो छक्का प्रहार गरे । तेस्रो बलमा अहमदले १ रन लिए । त्यसपछिका लगातार २ बल डट राखेका सन्दीपले आफ्नो स्पेलको अन्तिम बलमा डेलिन हेलिङ्गरले २ रन लिए ।
सन्दीपले ४ ओभरमा ३२ रन खर्चिएर २ महत्वपुर्ण विकेट लिए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]