default_image

3 months ago

July 27, 2024

नामिबियामाथि स्कटल्यान्डको सहज जित

802 views

0 Bookmark

एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ ।

आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो ।

स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ आभरमा १ सय ६३ रन बनाउँदै अल आउट भयो ।

नामिबियाका लागि कप्तान हेरार्ड इरास्मसले ७३ बलमा ५३ रन बनाए । उनले ६ चौका प्रहार गरे । जेन ग्रिनले २८, मलान क्रुजरले २७, शौन फौचेले १८ तथा जेजे स्मिथले ११ रन जोडे ।

स्कटल्यान्डका लागि ब्राड करी र गाभिन मेनले समान ३ तथा माइकल लिग्स र ब्रेन्डन म्याकमुलनले समान २ विकेट लिए ।

त्यसअघि टस हारेर पहिले ब्याटिङ गरेको स्कटल्यान्डले ५० ओभरमा ६ विकेट गुमाएर ३ सय १ रन बनाएको थियो ।

स्कटल्यान्डका लागि माइकल इंग्लिसले १ सय २२ बलमा १ सय ७ रन बनाए । डेब्यु खेलमा शतक बनाउने क्रममा इंग्लिसले ९ चौका र २ छक्का प्रहार गरे ।

कप्तान रिची बेरिङ्टनले ८१ बलमा ८९ रन बनाए । बेरिङ्टनले ११ चौका र १ छक्का प्रहार गरे । क्रिस ग्रेभ्सले अविजित ३१, ब्रेन्डन म्याकमुलनले १५ तथा मार्क वाटले अविजित १० रन जोडे। नामिबियाका लागि शौन फौचेले ३ तथा बेन सिङ्कन्गो र टांगेनी लुंगामेनी समान १ विकेट लिए ।

जितसँगै ८ टोली सहभागी लिग टु को अंक तालिकामा स्कटल्यान्ड ९ अंकका साथ शीर्ष स्थानमा उक्लिएको छ । ८ अंकका साथ नामिबिया तेस्रो स्थानमा छ । अंकतालिकामा २ अंकका साथ नेपाल छैटौं स्थानमा छ । लिग टुको शीर्ष चार टोलीले २०२७ हुने ओडिआई विश्वकप छनोटमा स्थान बनाउने छन् ।

October 18, 2024

दीपेन्द्र प्लेयर अफ द म्याच घोषित

काठमाडौं(हाम्रो खेलकुद) – नेपाली टोलीका अलराउन्डर दीपेन्द्रसिंह ऐरी अमेरिकाविरुद्धको पहिलो टि ट्वान्टी खेलमा प्लेयर अफ द म्याच घोषित भएका छन् । अमेरिकाको टेक्सास स्थित ग्रान्ड प्रेरी क्रिकेट स्टेडियममा घरेलु टोलीलाई पराजित गर्न सानदार प्रदर्शन गरेका दीपेन्द्र म्यान अफ द म्याच भएका हुन् । ऐरीले अमेरिकाविरुद्धको खेलमा ब्याटिङ तर्फ १७ बलमा २ चौका र १ छक्काको […]

October 18, 2024

दीपेन्द्रको अलराउन्ड प्रदर्शनमा नेपालले अमेरिकालाई हरायो

काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]

October 18, 2024

श्रीलंकालाई वेस्ट इन्डिजविरुद्धको सिरिज

एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ । श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो । पाहुना टोलीले दिएको […]

Success

Thank you for your time.