काठमाडौं (हाम्रो खेलकुद) – एसिसि महिला एसिया कप २०२४ को उद्दघाटन खेलमा आज नेपालले युएईको सामना गर्दैछ । श्रीलंकास्थित दाम्बुला क्रिकेट स्टेडियममा आजको खेल नेपाली समय अनुसार २:१५ बजे सुरु हुनेछ ।

तयारीका लागि नेपाली टोली दुई साता अघि नै श्रीलंका पुगेको थियो । तयारीका लागि नेपालले श्रीलंका डेभलप्मेन्ट टोली विरुद्ध तीन खेल खेलेको थियो जसमध्य पहिलो दुई खेलमा हार बेहोरेको थियो भने अन्तिम खेलमा जित हासिल गर्यो ।

नेपालको यो तेस्रो एसिया कप सहभागिता हो । यसअघि नेपालले सन् २०१२ र २०१६ मा महिला एसिया कप खेलेको थियो । दुवै पटक नेपालले सबै खेलमा हार बेहोरेको थियो । यसअघि २०१२ र २०१६ मा जस्तै एसिया कप टि ट्वान्टी फर्मेटमा हुनेछ ।

राउन्ड रोविन लिगपछि दुई समूहका शीर्ष २ टोली सेमिफाइनल पुग्नेछन् ।

तर पछि , एसीसीले एसिया कपमा ८ टोलीलाई सहभागी गराउने निर्णय गरेपछि नेपालसँगै थाइल्याण्डले अवसर पाएका हुन् । नेपाली महिला टोलीको एसिया कपमा यो तेस्रो सहभागिता हो ।

नेपाली महिला क्रिकेट टोली

इन्दु वर्मा (कप्तान), रुविना क्षेत्री, सिता राना मगर, कविता कुँवर, सम्झना खड्का, कविता जोशी, काजोल श्रेष्ठ (विकेटकिपर) , पूजा महतो, डली भट्ट, विन्दु रावल, रोमा थापा, कृतिका मरासिनी, सबनम राई, राजमती ऐरी