4 months ago
July 12, 2024
एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ ।
दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ र इङ्ल्यान्डले ३ सय ७१ रन बनाएको थियो। ३ टेस्टको श्रृंखलामा घरेलु टोली इङ्ल्यान्डले १-० को अग्रता लिएको छ।
तीन दिनमै सकिएको टेस्टको दोस्रो इनिङमा वेस्ट इण्डिजका स्पिन अलराउन्डर गुडाकेश मोतीले ३५ बलमा ५ चौकासहित सर्वाधिक ३१ रन बनाए ।
एलिक एथानाजे २२ र जेसन होल्डरले २० रन जोडे ।इङ्ल्यान्डका गस एटकिन्सनले ५, जेम्स एन्डरसनले ३ र बेन स्टोक्सले २ विकेट लिए ।
त्यसअघि इङ्ल्यान्डले पहिलो इनिङमा ३ सय ७१ रनमा अल आउट भएको थियो । ओपनर ज्याक क्रलीले ८९ बलमा १४ चौकासहित सर्वाधिक ७६ रन बनाएका थिए।
डेब्यू खेलमा विकेटकिपर जेमी स्मिथले १ सय १९ बलमा ८ चौका र २ छक्कासहित ७० रन जोडेका थिए । ओली पोप ५७, जो रुट ६८, ह्यारी ब्रुक ५०, र क्रिस वोक्स २३ रनमा आउट भए ।
वेस्ट इण्डिजका जयडेन सिल्सले ४, जेसन होल्डर र गुडाकेश मोतीले समान २ विकेट लिएका थिए ।
लर्डसमा टस हारेर पहिला ब्याटिङको निम्तो पाएको वेस्ट इण्डिजले ओपनर मिक्ली लुइसले सर्वाधिक २७ रनको मद्दतमा १ सय २१ रन बनाएको थियो। डेब्यू खेलमा नै ७ विकेट लिएका इङ्ल्यान्डका गस एटकिन्सनप्लेयर अफ द म्याच चुनिए ।
अन्तिम खेलमा ४ विकेट लिदै जितका साथ ४२ वर्षीय एन्डरसनले टेस्ट क्रिकेटबाट सन्न्यास लिएका छन् । उनले १ सय ८८ टेस्टमा ७ सय ४ विकेट लिएका छन् ।
एन्डरसन भन्दा अघि श्रीलंका स्पिनर मथैया मुरलीधरन (८ सय विकेट) र अष्ट्रेलिया स्वर्गीय शेन वार्न (७ सय ८ विकेट) छन्।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]