3 days ago
June 27, 2024
एजेन्सी – साविक विजेता इङ्ल्यान्ड र भारतबीच टि-ट्वान्टी विश्वकप २०२४ को सेमिफाइनल बर्षाका कारण प्रभावित भएको छ।
नेपाली समय अनुसार बेलुका ८:१५ बजे गयानामा सुरु हुनुपर्ने खेलअघि बर्षा भएपछि टस पनि भएको छैन। अहि वर्षा रोकिएको छ। केही समयमा मैदानको निरीक्षणपछि खेलका बारेमा नयाँ जानकारी आउनेछ।
पहिलो सेमिफाइनलमा रिजर्व दिन रहेपनि दोस्रो सेमिफाइनलमा आइसिसीले रिजर्व दिन राखेको छैन ।
वर्षाका कारण खेल हुन नसकेको खण्डमा भारत फाइनल प्रवेश गर्नेछ ।
भारतले सुपर एट चरणमा समूहको शीर्ष स्थान हासिल गरेकाले आफ्नो समूह उपविजेता बनेको इङ्ल्यान्ड भन्दा अघि रहँदै फाइनल प्रवेश गर्नेछ ।
एक समय समूह चरणबाट बाहिरिने सम्भावना रहेको इङ्ल्यान्ड सेमिफाइनलमा पुग्ने पहिलो टोली बनेको थियो । समूह चरणमा ४ मध्य २ खेल जितेको इङ्ल्यान्ड अष्ट्रेलिया विरुद्ध पराजित भएको थियो । एक खेल वर्षाका कारण रद्द भएको थियो ।
सुपर एट चरणमा भने इङ्ल्यान्डले दुई खेल जितेको थियो भने दक्षिण अफ्रिका विरुद्ध पराजित भएको थियो । अफगानिस्तानलाई ९ विकेटले हराउँदै दक्षिण अफ्रिका फाइनल पुगिसकेको छ।
सन् २०१० मा पहिलो उपाधि जितेको इङ्ल्यान्ड पछिल्लो २०२२ मा च्याम्पियन बनेको थियो। २०१६ मा अप्रत्यासित ढंगले वेस्ट इन्डिजलाई फाइनल खेल सुम्पिएको इङ्ल्यान्ड जस बटलरको कप्तानीमा दोस्रो उपाधि जित्न चाहन्छ ।
उता भारत हालसम्म प्रतियोगितामा अपराजित रहेको छ । समूह चरणमा भारतले ४ मध्य ३ खेल जित्दा क्यानडा विरुद्धको खेल वर्षाका कारण रद्द भएको थियो । सुपर एट चरणमा भने भारतले अफगानिस्तान, बंगलादेश र अष्ट्रेलिया माथि जित हासिल गरेको थियो ।
२००७ को पहिलो संस्करण जितेको भारतले त्यसपछि भने उपाधि जित्न सकेको छैन । २०१४ मा फाइनलमा श्रीलंका विरुद्ध पराजित हुँदा नै भारत दोस्रो उपाधिको सबैभन्दा नजिक पुगेको थियो ।
२०२३ म ओडिआई विश्वकपको फाइनलमा पराजित भारत यसपटक पनि मुख्य दाबेदार मध्ये एक हो। २०१३ को च्याम्पियन्स ट्रफी जितेको भारतले त्यसयता आइसिसीको उपाधि विहिन रहँदै आएको छ।
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]
June 30, 2024
एजेन्सी – भारतीय क्रिकेट टोलीका ब्याटर विराट कोहलीले टि ट्वान्टी आई क्रिकेटबाट सन्न्यासको घोषणा गरका छन्। भारतलाई दोस्रो पटक टि ट्वान्टी विश्वकप उपाधि जिताउने क्रममा विराटले प्लेयर अफ दि म्याच प्रदर्शन गरेका थिए। सेमिफाइनलसम्म नचलेका कोहलीले फाइनलमा ५९ बलमा ६ चौका र २ छक्कासहित ७६ रन बनाएका थिए। भारतले १७ वर्षपछि टि ट्वान्टी र १३ […]
June 29, 2024
एजेन्सी – भारतले आइसीसी टि-ट्वान्टी विश्वकप २०२४को उपाधि जितेको छ । बार्बाडोसमा भएको फाइनलमा दक्षिण अफ्रिकालाई ७ रनले हराउँदै भारतले टि-ट्वान्टी विश्वकपको उपाधि जितेको हो । भारतले दिएको १ सय ७७ रनको लक्ष्य पछ्याएको दक्षिण अफ्रीकाले निर्धारित २० ओभरमा ८ विकेटको क्षतिमा १ सय ६९ रन मात्र बनाउन सक्यो । भारतको यो दोस्रो टि-ट्वान्टी विश्वकप […]