3 days ago
June 27, 2024
एजेन्सी – पहिलो पटक आइसीसी टि ट्वान्टी विश्वकप २०२४ को सेमिफाइनल खेलिरहेको अफगानिस्तानले दक्षिण अफ्रिकाविरुद्ध पहिले ब्याटिङ गर्ने भएको छ।
ट्रिनिडाड एन्ड टोबेगोको ब्रायन लारा रंगशालामा टस जितेर अफगानिस्तानले ब्याटिङ रोजेको हो । यी दुई मध्ये जुन टोली फाइनल पुगेपनि त्यो पहिलो पटक हुनेछ ।
दक्षिण अफ्रिकाले तेस्रो पटक सेमिफाइनल खेल्दैछ ।
भारतसँग पराजित भएको अफगानिस्तान अष्ट्रेलिया र बंगलादेशलाई हराउँदै इतिहासमा पहिलो पटक सेमिफाइनलमा पुगेको हो ।
अफगानिस्तान सुपर-८ को समूह १ को उपविजेताको रुपमा अन्तिम चारमा पुगेको हो । दक्षिण अफ्रिका यसअघि सन् २००९ र २०१४ को टि ट्वान्टी विश्वकपको सेमिफाइनल पुगेको थियो। यस पटक समूह २ को विजेता बन्दै दक्षिण अफ्रिका सेमिफाइनलमा पुगेको हो ।
जारी विश्वकप दक्षिण अफ्रिका र भारत मात्र ७ खेलमा अपराजित छन् । भारतले शुक्रबार दोस्रो सेमिफाइनलमा इङ्ल्यान्डको सामना गर्नेछ।
दक्षिण अफ्रिकाले समूह चरणमा नेपाल, बंगलादेश, नेदरल्यान्ड्स र श्रीलंकालाई हराएको थियो । सुपर-८ को समूह २ मा इंग्ल्यान्ड, अमेरिका र वेष्टइण्डिजलाई हराउँदै दक्षिण अफ्रिका १० वर्षपछि सेमिफाइनलमा पुगेको हो ।
दक्षिण अफ्रिका र अफगानिस्तानबीच अहिलेसम्म भएका टि ट्वान्टी आईका दुबै खेल दक्षिण अफ्रिकाले जितेको थियो ।
June 29, 2024
एजेन्सी – भारतले आइसीसी टि-ट्वान्टी विश्वकप २०२४को उपाधि जितेको छ । बार्बाडोसमा भएको फाईनलमा दक्षिण अफ्रीकालाई ७ रनले हराउँदै भारतले टि-ट्वान्टी विश्वकपको उपाधि जितेको हो । भारतले दिएको १ सय ७७ रनको लक्ष्य पछ्याएको दक्षिण अफ्रीकाले निर्धारित २० ओभरमा ८ विकेटको क्षतिमा १६९ रन मात्र बनाउन सक्यो । अन्तिम तीन ओभरमा दक्षिण अफ्रिकालाई जितका लागि […]
June 29, 2024
एजेन्सी – आइसिसी टि-ट्वान्टी विश्वकप २०२४ को फाइनलमा भारतविरुद्ध दक्षिण अफ्रिकाले १ सय ७७ रनको लक्ष्य पाएको छ । टस जितेर पहिला ब्याटिङ गर्ने निर्णय गरेको भारतले निर्धारित २० ओभरमा ७ विकेटको क्षतिमा १ सय ७६ रन बनाएको हो । भारतका लागि विराट कोहलीले ५९ बलमा ६ चौका र २ छक्का सहित सर्वाधिक ७६ रन […]
June 29, 2024
एजेन्सी – आइसिसी टि-ट्वान्टी विश्वकप २०२४ को फाइनल खेलमा दक्षिण अफ्रिका विरुद्ध भारतले पहिला ब्याटिङ गर्ने भएको छ । बार्बाडोसमा भारतीय टोलीका कप्तान रोहित शर्माले टस जितेर पहिला ब्याटिङ गर्ने निर्णय गरेका हुन् । फाइनलमा दुवै टोलीले कुनै परिवर्तन गरेका छैनन् । सेमिफाइनलमा जित हासिल गरेका टोली नै फाइनलमा उपाधिका लागि प्रतिस्पर्धा गर्नेछन् । भारत: […]