default_image

9 months ago

June 16, 2024

विश्व कपमा एतिहास रच्ने नेपाललाई अर्को एउटा मौका

2295 views

0 Bookmark

प्रकाश तिमल्सिना, किङ्सकाउट

समूह चरणको आफ्नो अन्तिम खेल अघि नै नेपाली क्रिकेट टोली वेस्ट इन्डिज तथा अमेरिकामा जारी टि ट्वान्टी विश्व कपबाट बाहिरिसकेको छ । दुई दिनअघि दक्षिण अफ्रिकासँगको रोमान्चक खेलमा १ रनको पीडादायी हार बेहोरेसँगै नेपाली टोली विश्व कपबाट बाहिरिएको थियो ।

अमेरिकाको डालासमा नेदरल्यान्ड्सँगको पहिलो खेलमा ६ विकेटको हार, त्यसपछि फ्लोरियाडमा श्रीलंकासँग वर्षासँग खेल रद्द भएपछि १ अंक लिएर नेपाली टोली सेन्ट भिन्सेन्ट आइपुगेको थियो । दक्षिण अफ्रिकाविरुद्ध पहिले फिल्डिङ गर्दै विपक्षीलाई १ सय १५ रनमा रोक्छ भन्ने कमैले अनुमान गरेका थिए ।

स्पिनरहरुको उच्च प्रदर्शनबाट नेपाली टोली विश्व कपको दाबेदारमध्येको एक दक्षिण अफ्रिकालाई कम स्कोरमा समेट्न सफल भएको थियो । जवाफमा नेपाली टोलीले राम्रै ब्याटिङको सुरुवात गरेको थियो । उतारचढावपूर्ण खेलको अन्तिम २ बल राम्ररी खेलेर जितका लागि आवश्यक २ रन वा बराबरीका लागि १ रन जोड्न नसक्दा टोलीले हार बेहोर्नु परेको थियो ।

दक्षिण अफ्रिकाविरुद्धको खेल अब इतिहास भइसकेको छ । अब नेपालका सामू यो विश्व कपलाई यादगार बनाउने एउटा र अन्तिम मौका बाँकी छ । त्यो भने स्थानिय समय अनुसार आइतबार साँझ ७ः३० बजे ( नेपाल समय अनुसार सोमबार बिहान ५ः१५ बजे) नेपालले बंगलादेशको सामना गर्दैछ ।

नेपाल भन्दा बंगलादेश बढी दबाबमा हुने निश्चित छ । नेपाललाई गुमाउनु पर्ने केहि छैन । बंगलादेशले अघिल्लो चरण प्र्रवेशको सहजताका लागि जित आवश्यक पर्न सक्छ । यद्दपी बंगलादेश ४ अंकसहित दोस्रो स्थानमा छ । बंगलादेशमाथि नेपालले जितेको र समूहको आजै हुने खेलमा नेदरल्यान्ड्सले श्रीलंकालाई हरायो भने उपविजेताको टुंगो रनरेटका आधारमा हुनेछ ।

नेदरल्यान्ड्सको श्रीलंका विश्व कपबाट बाहिरिसकेको छ भने नेदरल्यान्ड्को २ अंक छ । यो समूहबाट दक्षिण अफ्रिका समूह विजेताका रुपमा सुपर एटमा पुगिसकेको छ । सिनियर स्तरमा दोस्रो पटक नेपालले बंगलदेशको सामना गर्दैछ । सन् २०१४ को बंगलादेशमा आयोजना भएको विश्व कपमा नेपाल पहिलो पटक सहभागी भएको थियो । त्यति बेला हङकङ र अफगानिस्तानलाई हराएको नेपाल बंगलादेशसँग पराजित भएको थियो ।

टेस्ट मान्यता प्राप्त राष्ट्रविरुद्धका यसअघिका १२ टि ट्वान्टी आईमा नेपालले सबै खेल हारेको छ । आज बंगलादेशलाई हराउन सके नेपाली क्रिकेटका लागि एतिहासिक दिन हुनेछ । उमेर समूहमा टेस्ट मान्यता प्राप्त राष्ट्रलाई पटक पटक हराएको नेपालसँग सिनियर स्तरमा हराउने यो अर्को एउटा अवसर हो ।

बंगलादेशसँग समान ४ अंक भएपनि रनरेटका आधारमा सन् २०१४ को विश्व कपमा नेपाल समूह चरणबाटै बाहिरिएको थियो । दक्षिण अफ्रिकासँगको हारमा पनि विश्व व्यपाी रुपमा क्रिकेटमा नेपालको प्रदर्शनको चर्चा भएको छ । क्रिकेट परिवारमा नेपालले आफ्नो परिचियलाई थप फराकिलो बनाएको छ ।

बंगलादेशलाई हराउन सकेको खण्डमा नेपाली क्रिकेटको चर्चा अझै हुनेछ । यो विश्व कपमा आफ्नो अन्तिम खेल बंगलादेशविरुद्ध जित्न सकेको खण्डमा नेपाली टोली शिर उचो बनाएर स्वदेश फर्कन पाउनेछ ।

March 6, 2025

दिवानको कप्तानीमा कर्णालीको टोली घोषणा

काठमाडौं(हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिताका लागि कर्णाली प्रदेशको टिम घोषणा भएको छ । बिहीवार कर्णाली प्रदेश क्रिकेट संघले दिवान पुनको कप्तानीमा १५ सदस्यीय टोलीको घोषणा गरेको छ । आगामी आइतवारबाट प्रतियोगिता सुरु हुनेछ । पहिलो पटक प्रतियोगिताका सबै खेल काठमाडौं बाहिर हुदैछ । यस संस्करणको प्रतियोगिता लुम्बिनी प्रदेशका ३ क्रिकेट […]

March 6, 2025

पृथुको कप्तानीमा बागमतीको टोली घोषणा

काठमाडौं(हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिताका लागि बागमती प्रदेशको टिम घोषणा भएको छ । बिहीवार बागमती प्रदेश क्रिकेट संघले पृथु बासकोटाको कप्तानीमा १५ सदस्यीय टोलीको घोषणा गरेको छ । केही महिना अघि सम्पन्न एलिट कपमा बागमतीको कप्तानी गरेका सन्दीप लामिछाने बिना नै टोलीको घोषणा भएको हो । आजै सम्पन्न प्रदेश छनोट […]

March 6, 2025

ललितपुर बन्यो बागमती छनोटको च्याम्पियन

काठमाडौं(हाम्रो खेलकुद) – ललितपुर जिल्ला प्रधानमन्त्री कप बागमती प्रदेश छनोट प्रतियोगिताको च्याम्पियन बनेको छ । बिहीवार भएको फाइनल खेलमा मकवानपुर जिल्लालाई ६५ रनले पराजित गरि ललितपुर च्याम्पियन बनेको हो । ललितपुरले दिएको १ सय ९३ रनको लक्ष्य पछ्याएको मकवानपुर ३९.५ ओभरमा १ सय २७ रनमा समेटियो । मकवानपुरका लागि विशाल फुयालले ६४ बलमा सर्वाधिक ४१ […]

Success

Thank you for your time.