काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ ।

एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका कीर्तिमानी अलराउन्डर दीपेन्द्रसिंह ऐरीलाई फिचर गरेर प्राेमाेसनल क्रिकेट एन्थम रिलिज गरिएको हो ।

नेपाली क्रिकेटकाे हिजाे, आज र भाेलि, सचित्र भिडियाेमा हेर्न सकिन्छ । तराई पहाड हिमाल सबै ठाउँ पुगेर छायाँकन गरिएकाे गीतलाई संचारकर्मी आर.के धितालले निर्देशन गरेका हुन् । नेपाली क्रिकेट प्रेमिहरूका लागि याे गित जितकाे उत्सव हुने उनले दावी गरेका छन् ।

‘विश्वकपकाे यात्रा तय गर्नका लागि खेलाडिहरूले गरेकाे कठिन संघर्षकाे ऐना समेत हाे याे गित’, उनले भने । ग्रेश ईन्टरनेशनलकाे निर्माण रहेकाे गितमा शंकर स्माईल काे संगित, आर के धितालकाे शब्द रचना र देव जंग थापाकाे छायाँकन तथा सम्पादन रहेकाे छ ।

ग्रेश ईन्टरनेशनलले विगत २ दशकदेखि अध्ययन गर्न विदेश जाने विद्यार्थिहरूलाई परामर्श र सहजिकरण गर्दै आएकाे छ । याे वर्ष ग्रेशले युवाहरूकाे वृहत्तर विकासका लागि विभिन्न सामाजिक कार्यहरू गर्ने याेजना सार्वजनिक गरेकाे छ ।

खेलकुद र विशेषगरी नेपाली क्रिकेटकाे विकासका लागि शहर देखि गाउँ सम्मका विद्यार्थीहरूहरूलाई क्रिकेट खेलकाे आयाेजना, खेल सामग्री वितरण साथै राष्ट्रिय खेलाडिहरू संग अन्तरक्रिया र अभ्यास म्याचकाे समेत आयाेजना गर्ने याेजना रहेकाे ग्रेशका संस्थापक निर्देशक एन्ड्रयु पाैडेलले जानकारी दिएका छन् । यहि उदेश्य अनुरूप दिपेन्द्र सिंह ऐरीलाई ग्रेशले सद्भावना दुतका रूपमा अनुबन्ध गरिसकेकाे छ ।

विश्वकप गीत :