सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो ।

पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ र विश्वास विसीले १-१ गोल गरे ।

शीर्ष स्थानमा उक्लिएको पुल्चोकको ९ खेलमा १९ अंक पुगेको छ ।आरसी ३२ फुटबल एकेडेमीको समेत १९ अंक नै रहेको छ । साँगा भने समान ९ खेलमा १२ अंक सहित सातौं स्थानमा छ ।

यस्तै सोमबार नै भएको अर्को खेलमा स्वयम्भू क्लब र रानीवन स्पोर्ट्स क्लबले गोलरहित बराबरी खेलेका छन् ।

बराबरी सँगै स्वयम्भू ९ खेलमा १३ अंक सहित १३औं स्थानमा छ भने रानीवन ७ अंक सहित एक स्थान माथि छ ।