5 months ago
May 19, 2024
एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो ।
पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक शर्माले २८ बलमा ५ चौका र ६ छक्का सहित सर्वाधिक ६६ रन बनाए । यस्तै हेनरिक क्लासेनले २६ बलमा ३ चौका र २ छक्का प्रहार गर्दै ४२ रन जोडे । नितिश रेड्डीले ३७ तथा राहुल त्रिपाठीले ३७ रन बनाए ।
पञ्जाबका अर्शदिप सिंह र हर्शल पटेलले समान २-२ विकेट लिए भने हरपृत ब्रार र शशाङ्क सिंहले समान १-१ विकेट लिए ।
त्यसअघि हैदराबादमा टस जितेर ब्याटिङ रोजेको पञ्जाबले निर्धारित २० ओभरमा ५ विकेटको क्षतिमा २१४ रन जोड्यो । पञ्जाबका ओपनर प्रभसिम्रन सिंहले ४५ बलमा ७ चौका र ४ छक्का सहित सर्वाधिक ७१ रन जोडे । यस्तै राइलि रूसोले ४९ तथा अथर्व ताईडेलिए ४६ रन बनाए । जितेश शर्माले १५ बलमा ३२ रन बनाए ।
हैदराबादका नटराजनले २ तथा प्याट कमिन्स र विजयकान्त वियासकान्तले समान १-१ विकेट लिए ।
जित पछि हैदराबाद १४ खेल १७ अंक सहित तालिकाको दोस्रो स्थानमा उक्लिएको छ । लिग चरणमा बाँकी अन्तिम खेलमा १६ अंक रहेको राजस्थान रोयल्सले शीर्ष स्थानको कोलकत्ता नाइट राइडर्स माथि जित हासिल गरे दोस्रो भई फाइनल प्रवेशका लागि खेल्नेछ भने जित बाहेक अन्य नतिजा भए बेंगलूरु विरुद्ध एलिमिनेटरमा खेल्नेछ ।
October 18, 2024
काठमाडौं(हाम्रो खेलकुद) – नेपाली टोलीका अलराउन्डर दीपेन्द्रसिंह ऐरी अमेरिकाविरुद्धको पहिलो टि ट्वान्टी खेलमा प्लेयर अफ द म्याच घोषित भएका छन् । अमेरिकाको टेक्सास स्थित ग्रान्ड प्रेरी क्रिकेट स्टेडियममा घरेलु टोलीलाई पराजित गर्न सानदार प्रदर्शन गरेका दीपेन्द्र म्यान अफ द म्याच भएका हुन् । ऐरीले अमेरिकाविरुद्धको खेलमा ब्याटिङ तर्फ १७ बलमा २ चौका र १ छक्काको […]
October 18, 2024
काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]
October 18, 2024
एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ । श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो । पाहुना टोलीले दिएको […]