विराटनगर (हाम्रो खेलकुद) – भारतको पटनाको हाइ पफमेन्स क्रिकेट क्लब र कटिहार क्रिकेट क्लब तेस्रो संस्करणको मिल्स कप टि ट्वान्टी क्रिकेट प्रतियोगिताको क्वाटरफाइनलमा पुगेका छन् ।

विराटनगर जुटमिलको मैदानमा मंगलबार भएको पहिलो खेलमा पटनाले नेपाल पुलिस क्बलाई १२ रनले हरायो । अर्को खेलमा कटिहारले सिराहा क्रिकेट क्लबलाई ८ विकेटले पराजित गदैृ अन्ति आठको यात्रा तय गर्यो ।

पहिलो खेलमा टस जितेर ब्याटिङ रोजेको पटनाले १५.५ ओभरमा सबै बिकेट गुगाउँदै १ सय ३ रन बनायो । पटनाका सचिन कुमार सिंहले १९ बलमा समान २ छक्का र चौकासहित २६ रन बनाए । प्रतिकले २२ र सहिले नटआउट१३ रन जोडे ।

पुलिसका सर्वण यादवले कसिलो बलिङ ३.५ ओभरमा ९ रन खर्चेर ४ विकेट लिए । रोशन सुवलले ३ ओभरमा २२ रन खर्चेर तथा रसिब खानले ४ ओभरमा ३० रन खर्चेर समान ३ विकेट लिए ।

१ सय ४ रनको लक्ष्य पछ्याएको पुलिस १७.३ ओभरमा सबै विकेट गुमाउँदै ९१ रन समेटियो । पुलिसका केशवले २० बलमा ३ चौकासति १७ रन बनाए । एरनले १६ रन र सुबपले ११ रन जोडे ।

पटनाका सकबुल जैनले ४ ओभरमा २३ रन खर्चेर ३ विकेट लिए । सचिन सिंह र हरिले समान २ विकेट लिए पटनाका सचिन सिंह प्लेर अफ द म्याच घोषित भए र उनले ३ हजार रुपैयाँ पाए ।

अर्को खेलमा सिराहले दिएको १ सय ६८ रनको लक्ष्य कटिहारले १४.३ ओभरमा २ विकेट गुमाएर पूरा गर्यो । कटियारको जितको लागि अंकित सिंहले बिस्पोट ब्याटिङ गरे ।

अंकितले ४३ बलमा अर्ध शतक बनाउँदै नटआउट ८० रन बनाए । उनले ४ छक्का र १० चौका प्रार गरे । अंकित प्लेर अफ द म्याच पनि घोषित भए । त्यसैगरी असुबले नआउट २४ रन , आशिषले ३१ र सुजितले ३० रन जाडे ।

सिराहाका विशाल र सोनम रोयले समान १ विकेट लिए । त्यसअघि टस जितेर पहिलो ब्याटिङ थालेको सिराहले निर्धारित २० ओभरमा ८ विकेट गुमाई १ सय ६७ रन बनाएको थियो ।

जसमा सिराहाका रुपेशले २० बलमा नटआउट ४७ रन बनाए । उनले ३ छक्का र ६ चौका प्रहार गरे । दिपेश दास र ओपनर सोलन साहले समान ३० रन बनाए । कटियारका भानु र प्रनिसले समान २ विकेट लिए ।

प्रतियोगितामा बुधबार पहिलो खेल बिसिसिए विराटनगर र प्रशान्त क्रिकेट क्लब जोगवनी ततथा दोस्रो खेल आयोजक मिल्स क्रिकेट क्लब र सुनसरी क्रिकेट क्लब बीच हुनेछ ।