4 months ago
May 1, 2024
काठमाडौँ (हाम्रो खेलकुद) – वेस्ट इन्डिज ‘ए’ ले नेपालविरुद्ध जारी टि २० सिरिजको तेस्रो खेलमा जित निकाल्दै श्रृंखलामा अग्रता लिएको छ । पहिलो खेलमा हार बेहोरेको पाहुना टोलीले लगातार दुई खेल जित्दै पाँच खेलको श्रृंखलामा २-१ को अग्रता लिएको हो ।
बुधवार भएको तेस्रो खेलमा वेस्ट इन्डिज ‘ए’ले नेपाललाई ७६ रनले पराजित गर्यो । वेस्ट इन्डिजले दिएको २२८ रनको विशाल लक्ष्य पछ्याएको नेपाल १९.२ ओभरमा १५१ रनमा समेटियो ।
नेपालका लागि तल्लोक्रमका ब्याटर करण केसी र ओपनर लोकेश बमले समान २८-२८ रन बनाए । करणले १७ बल खेल्दै २८ रन बनाए भने लोकेशले २९ बल खेले । यस्तै कुशल मल्लले २० तथा बिनोद भण्डारीले १९ रन जोडे ।
चौथो ओभरको अन्तिम बलमा नेपालले पहिलो विकेट गुमायो । राम्रो सुरुवात गरेका बिनोद भण्डारी १५ बलमा ४ चौका सहित १९ रन बनाएर फेबियन एलेनको शिकार हुँदै हेडन वाल्शद्वारा क्याच आउट भए । अनिल शाह पनि १० बलमा १४ रन मात्र बनाएर सातौं ओभरमा गुडाकेश मोतीको बलमा रोस्टन चेजद्वारा क्याच आउट भए ।
चौथो नम्बरमा क्रिजमा पुगेका आरिफ शेखले ३ रन मात्र बनाएर वाल्शको शिकार बने । ओपनर लोकेश बमलाई मोतीले ११औ ओभरमा बोल्ड गरे । उनले २९ बल खेल्दै १ चौका र २ छक्का प्रहार गर्दै २८ रन बनाएर पेभेलियन फर्किए ।
कुशल मल्लले पनि राम्रो सुरुवातलाई ठुलो स्कोरमा परिणत गर्न सकेनन् । ११ बलमा २ चौका र १ छक्का प्रहार गरेका कुशल १३औ ओभरमा २० रन बनाएर वाल्शको बलमा लङ-अनमा समातिन पुगे । विवेक यादवले पनि १४औ ओभरमा रनआउट हुनुअघि ३ रन मात्र बनाउन सके ।
१५औ ओभरको दोस्रो बलमा गुलशन झा ६ रन वनाएर वाल्शद्वारा कट एण्ड बोल्ड आउट भए । आज कप्तानी गरिरहेका दीपेन्द्र पनि ७ रन मात्र बनाएर रनआउट भए । कमल सिंह ऐरीले ४ बलमा ६ रन जोडे । २०औ ओभरको दोस्रो बलमा करण आउट भएसँगै नेपाल समेटिन पुग्यो । सागर ढकाल ३ रनमा अविजित रहे ।
वेस्ट इन्डिजका हेडन वाल्शले ४ ओभरमा २८ रन दिएर ३ विकेट लिए । गुडाकेश मोतीले पनि समान ४ ओभरमा २८ रन नै खर्चिंदै २ विकेट लिए । म्याथ्यु फोर्ड, ओबेद मक्कोय र फेबियन एलेनले १-१ विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिजले निर्धारित २० ओभरमा ३ विकेट गुमाउँदै २२७ रन बनायो ।
चार्ल्सले अविजित रहँदै ६१ बलमा १३ चौका र ७ छक्का प्रहार गर्दै ११९ रन बनाए । १७औ ओभरको पाचौँ बलमा एक रन लिँदै उनले शतक पुरा गरेका थिए । दोस्रो विकेटका लागि उनले आन्द्रे फ्लेचरसँग मिलेर १४५ रनको विशाल साझेदारी समेत गरेका थिए ।
ओपनर एलिक अथान्जेको विकेट सस्तैमा लिएको नेपालले दोस्रो विकेटका लागि भने धेरै समय कुर्नु पर्यो । चौथो ओभरको पहिलो बलमा नेपालले पहिलो सफलता पाएको थियो । एक रन लिने क्रममा जोनसन चार्ल्सले नन-स्ट्राइकर एन्डमा फर्काइदिएपछि अथान्जे १० बलमा १७ रन बनाएर रनआउट भए । तर त्यसपछि चार्ल्स र आन्द्रे फ्लेचर मिलेर विशाल साझेदारी गरेसँगै वेस्ट इन्डिज विशाल योगफल तर्फ अग्रसर भएको थियो ।
सो साझेदारी १६औ ओभरमा सागर ढकालले फ्लेचरको विकेट लिएर तोडेका थिए । फ्लेचर ३३ बलमा ४ चौका र ३ छक्का सहित ५३ रन बनाएर दीपेन्द्र सिंह ऐरीद्वारा लङ-अनमा क्याच आउट भएका थिए ।
चौथो नम्बरमा क्रिजमा पुगेका फाबिएन एलेन ९ बलमा २ चौका र १ छक्का प्रहार गर्दै १९ रन बनाएर करण केसीको बलमा दीपेन्द्रद्वारा नै क्याच आउट भए । किमो पल ७ बलमा १३ रन बनाएर नटआउट रहे ।
नेपालका लागि करण केसी र सागर ढकालले एक-एक विकेट लिए । नेपालले ६ वटा बलरको प्रयोग गरेको थियो । गुलशन झाले ४ ओभरमा २४ रन दिनुबाहेक अन्य बलर महँगो सावित हुन पुगे । करणले ४ ओभरमा ५४ रन खर्चिए भने कमल सिंह ऐरीले ४ ओभरनै बलिङ गर्दै ५३ रन दिए । यस्तै सागर ढकालले ४ ओभरमा ४१ रन दिए । विवेक यादव र कुशल मल्लले समान दुई-दुई ओभरमा क्रमस: २८ र २६ रन खर्चिए ।
शृंखलाको चौथो खेल भोलि हुनेछ भने अन्तिम खेल आउँदो शनिवार हुनेछ । शृंखलाको समाप्ति लगत्तै नेपाली टोली विश्वकपका लागि वेस्ट इन्डिज प्रस्थान गर्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]