9 months ago
April 30, 2024
काठमाडौँ (हाम्रो खेलकुद) – अनुभवी ब्याटर केन विलियमसनको कप्तानीमा न्युजिल्याण्डले वेस्ट इन्डिज र अमेरिकामा हुने आगामी आइसीसी टि-२० विश्वकपका लागि आफ्नो स्क्वाड सार्वजनिक गरेको छ । न्युजिल्याण्डले अनुभवी टोली समीकरण बनाउँदै १५-सदस्सिय टोली सार्वजनिक गरेको हो ।
अनुभवी टोलीमा विलियमसन सहित फास्ट बलिङ द्वय टिम साउदी र ट्रेन्ट बोल्ट समावेश छन् । यो विलियम्सनको लागि टि-२० विश्वकपमा छैटौं र कप्तानको रूपमा चौथो उपस्थिति हुनेछ भने साउदी सातौ पटक समावेश हुनेछन् । बोल्टको भने यो पाचौं उपस्तिथी रहनेछ ।
प्रमुख तेज बलर काइल जेमिसन र अलराउन्डर एडम मिल्ने चोटका कारण प्रतियोगिताबाट बाहिर रहनेछन् भने र विल ओ’रुर्के, टम लाथम, टिम सेफर्ट र विल जस्ता खेलाडीहरू राम्रो लयका बावजुद छनोटमा परेनन् ।
युवा खेलाडी रचिन रविन्द्रसँगै फास्ट बलर म्याट हेनरी पहिलोपटक छोटो फर्म्याटको विश्वकपका लागि छनोट भएका छन् । तीब्र गतिका बलर बेन सियर्स ट्राभलिङ रिजर्भको रूपमा अमेरिका र वेस्ट इन्डिज पुग्नेछन् ।
विश्वकपमा न्युजिल्यान्डको पहिलो खेल जुन ७ मा अफगानिस्तानसँग गयानामा हुनेछ । यस समुहमा सह-आयोजक वेस्ट इन्डिज, युगान्डा र पपुवा न्युगिनीसँग न्युजिल्याण्डको प्रतिस्पर्ध हुनेछ ।
न्यूजिल्याण्ड टोली: केन विलियम्सन (सी), फिन एलन, ट्रेन्ट बोल्ट, माइकल ब्रेसवेल, मार्क च्यापम्यान, डेभोन कोनवे, लोकी फर्ग्युसन, म्याट हेनरी, डेरिल मिचेल, जिमी निशम, ग्लेन फिलिप्स, रचिन रविन्द्र, मिचेल स्यान्टनर, इश सोधी, टिम साउथी
वैकल्पिक: बेन सियर्स
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
January 15, 2025
काठमाडौं(हाम्रो खेलकुद) – विभागिय टोली नेपाल एपिएफ क्लबले धनगढीमा जारी महिला प्रधानमन्त्री कप टि ट्वान्टी राष्ट्रिय प्रतियोगितामा लगातार दोस्रो जित हासिल गरेको छ । एपिएफले बुधवार गण्डकी प्रदेशलाई ८ विकेटले पराजित गरेको हो । हुस्सु लागेका कारण ढिला सुरु भएको खेल १५ ओभरमा छोट्याइएको थियो । ७१ रनको लक्ष्य एपिएफले ९.३ ओभरमा २ विकेट गुमाएर […]
