6 months ago
April 30, 2024
काठमाडौँ (हाम्रो खेलकुद) – आइसीसी टि-२० विश्वकप २०२४ मा नेपाल रहेकै समूह डी मा रहेको दक्षिण अफ्रिकाले आफ्नो स्क्वाड सार्वजनिक गरेको छ । क्रिकेट दक्षिण अफ्रीकाले दुई जना वैकल्पिक खेलाडी सहित १५ सदस्सिय टोलीको घोषणा गरेको हो ।
कप्तान एडेन मार्क्रमले पहिलो पटक आईसीसी प्रतियोगितामा दक्षिण अफ्रिकाको नेतृत्व गर्नेछन् । हालै क्रिकेट दक्षिण अफ्रिकाको केन्द्रीय सेन्ट्रल कन्ट्र्याक्टबाट बाहिरिएका एनरिच नोर्टजे र क्विन्टन डी कक पनि टोलीमा समावेश भएका छन् । नोर्टजे चोटका कारण सेप्टेम्बर २०२३ देखि अन्तर्राष्ट्रिय खेलबाट बाहिर छन् भने डी ककले २०२२ मा टेस्ट क्रिकेटलाई बिदाइ गरिसकेपछि २०२३ विश्वकप पश्चात एकदिवसीय खेलबाट सन्यासको घोषणा गरेका थिए।
भर्खरै सम्पन्न एसए२० प्रतियोगितामा उल्लेखनीय प्रदर्शन गरेका रायन रिकल्टन र ओट्नियल बार्ट्म्यान पहिलो पटक टोलीमा समावेश भएका छन् । रिकल्टनले एमआई केप टाउनका लागि ५८.८८ को औसत र १७३.७७ को स्ट्राइक रेटमा ५३० रन र बार्ट्म्यानले डिफेन्डिङ च्याम्पियन सनराइजर्स इस्टर्न केपका लागि आठ खेलमा १८ विकेट लिएका थिए ।
मार्क्रम, डी कक, रीजा हेन्ड्रिक्स, हेनरिक क्लासेन, डेभिड मिलर र धेरै आशा बोकेका ब्याटर ट्रिस्टन स्टब्सले ब्याटिङको जिम्मेवारी लिनेछन् । पेस बलिङको नेतृत्व कागिसो रबाडा र नोर्टजेले मार्को जेन्सेन र जेराल्ड कोट्जीको सहयोगमा गर्नेछन् भने ब्योर्न फोर्टुइन, केशव महाराज र तबरेज शम्सी स्पिनर रहेका छन् ।
दक्षिण अफ्रिका विश्वकपको समूह डी मा नेपाल, बंगलादेश, नेदरल्यान्ड्स र श्रीलंका संगै रहेको छ ।
दक्षिण अफ्रिकाको टोली: एडेन मार्क्रम (कप्तान), ओटनियल बार्ट्म्यान, जेराल्ड कोट्जी, क्विन्टन डी कक, ब्योर्न फोर्टुइन, रीजा हेन्ड्रिक्स, मार्को जेन्सन, हेनरिक क्लासेन, केशव महाराज, डेभिड मिलर, एनरिक नोर्टजे, कागिसो रबाडा, र्यान रिकेल्टन, तब्राज शम्शी, ट्रिस्टन स्टब्स
वैकल्पिक: नान्द्रे बर्गर र लुंगी एनगिडी
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]