काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली‌ प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ।

९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल शुन्यमा आउट भए। यसपछि विपिन शाहीले १२ बलमा ७ चौका र १ छक्का सहित ३८ रनको योगदान दिए। यस्तै मनिष थापाले २७ रन जोड्दा अर्जुन घर्तीले २५ रन बनाए। बलिङमा दीपेश कँडेल र श्रवण यादवले समान २ विकेट लिए।

यसअघि कोशी प्रदेशले १९.३ ओभरमा सबै विकेट गुमाउँदै मात्र ९३ रन मात्र जोड्यो। उसको लागि ओपनर मिनाष थापाले ३५ रन, दिपेश कँडेलले २३ रन र सौजन घिमिरे १८ रन बनाए। यसबाहेक अन्यले दोहोरो रन छुन सकेनन् । कोशीलाई सस्तैमा समेट्न दीपेन्द्र रावत र प्रकाश जैसीले ३/३ विकेट लिंदा दिनेश अधिकारीले २ विकेट लिए।

कर्णालीले लिगको ६ खेलमा ४ जित सहित ८ अंक बनाएको छ। कोशीको भने यो लगातार छैटौं हार हो। अब बागमती र सुदूरबीचको खेलले फाइनल पुग्ने दुई टिमको निर्णय हुनेछ।

बागमती, लुम्बिनी, कर्णाली र मधेश ८/८ अंक बनाएका छन्। सुदुर, गण्डकी र कोशी भने बाहिरिसकेका छन्।