नेपाल युएईको सामना गर्दै

मस्कट (हाम्रो खेलकुद) – एसीसी प्रिमियर कपको उपाधि रक्षा लक्ष्य सहित ओमान आएको नेपाली क्रिकेट टोलीले आज सेमिफाइनलमा चिर प्रतिद्वन्दी (संयुक्त अरब इमिरेट्स) युएईको सामना गर्दैछ।

खेल नेपाली समयअनुसार बिहान ११:४५ बजे सुरु हुनेछ। नेपाल समूह एको विजेता र युएई समूह ‘बी’ को उपविजेताको रुपमा सेमिफाइनल पुगेको थियो।
भएको छ । गत संस्करणको फाइनलमा भिडेका यी दुई टोली यसपटक सेमिफाइनलमा एकअर्काको सामना गर्दैछन्।

त्यतिबेला कीर्तिपुरस्थित त्रिवि मैदानमा भएको फाइनलमा युएईलाई ७ विकेटले हराउँदै नेपाल एसिया कपका लागि छनोट भएको थियो।

आजै अर्को सेमिफाइनल ओमानले र हङकङबीच हुनेछ। ओमान समूह ‘बी’ विजेता र हङकङ समूह ‘ए’ को उपविजेता रहेको थियो ।