default_image

11 months ago

April 17, 2024

मधेश प्रदेशको लगातार दोस्रो जित

305 views

0 Bookmark

काठमाडौं (हाम्रो खेलकुद) – वीर गणेशमान सिंह राष्ट्रिय टी–ट्वान्टी च्याम्पिनसिपमा मधेश प्रदेशले लगातार दोस्रो जित निकालेको छ । मयान यादव र अरनिको यादवले अर्धशतकीय पारी खेल्दा मधेशले बुधबार लुम्बिनी प्रदेशलाई २७ रनले पराजित गर्यो ।

माथिल्लो मुलपानी क्रिकेटमा मैदानमा भएको खेलमा लुम्बिनीले टस जितेर पहिले फिल्डिङ रोज्यो । मधेशले निर्धारित २० ओभरमा ९ विकेट गुमाउँदै १ सय ७४ रनको योगफल तयार पार्यो । मधेशले २ रन मात्र जोड्दा ओपनर रोहन विकेलाई २ रनमा गुमायो।

यसपछि साहिल पटेल र मयान यादवले दोस्रो विकेटको लागि ६२ रनको साझेदारी गरे । २४ रन बनाएका साहिल कृष्ण कार्कीको बलमा कट एण्ड बोल्ड भए । लगतै कप्तान राहुल मण्डल ६ रनमा पबिलियन फर्कदा मयानले अरनिको यादवसँग चौथो विकेटको लागि ६१ रनको साझेदारी गरे।

यो क्रममा दुवैले अर्धशतकको सफलता प्राप्त गरे। २२ बलको सामना गर्दै ४ चौका र ४ छक्का सहित अरनिकोले मधेशको लागि सर्वाधिक ६१ रन बनाए । मयानले ४२ बल खेल्दै ५ चौका र १ छक्का सहित ५० रनको योगदान दिए। विशाल सुस्लिङले १८ रन बटुले ।

बलिङमा निर्मल गुरूङले ४ ओभर बलिङ गर्दै ३२ रन दिएर सर्वाधिक ३ विकेट लिए। यसैगरी कृष्ण कार्की र अभिषेक गौतमले २/२ विकेट आफनो नाममा लेखाए । जवाफमा १ सय ७५ रनको विजय लक्ष्य पछ्याएको लुम्बीनी प्रदेश २० ओभरमा ७ विकेट गुमाउँदै १ सय ४७ रनमा समेटिदा २७ रनको हार बेहोर्न बाध्य भयो ।

कुनैपनि समय लुम्बिनीले ठुलो साझेदारी बनाउन सकेन । उसको लागि आकाश त्रिपाठीले सर्वाधिक ४३ रन बनाए। उनले ३२ बलको सामना गर्दै ४ चौका सहित ४३ रन जोड्दा अन्य खेलाडी क्रिजमा जम्न सकेनन् । कप्तान देव खनाल मात्र २३ रनमा आउट हुँदा कृष्ण कार्की १७ र मृनाल गुरूङ १० रनमा समेटिए । विराट भण्डारी अविजित १८ रनमा क्रिजमा रहे।

लुम्बिनीलाई १ सय ४७ रनमा समेटन मधेशका प्रदीप पासवानले २ विकेट लिंदा लुम्बीनीका तीन खेलाडी रन आउट भए। मधेशका अरनिको यादव प्लेयर अफ दी म्याच घोषित भए । यो मधेशको लगातार दोस्रो जित हो । मंगलबार मधेशले बागमतीलाई हराएको थियो। लगातारको दोस्रो जितमा मधेशले ४ अंक बनाएको छ । पहिलो खेलमा गण्डकीलाई हराएपनि आज पराजित लुम्बिनीसँग २ अंक छ । प्रतियोगिता सात प्रदेशको सहभागिता छ ।

March 11, 2025

आइजिपी कप क्रिकेट सुरु हुँदै, इण्डोर क्रिकेट मैदानको उद्घाटन

काठमाडौं (हाम्रो खेलकुद )- नेपाल प्रहरी खेलकुद समितिको आयोजनामा सञ्चालन हुने प्रथम आइजिपी कप क्रिकेट प्रतियोगिताको ट्रफी अनावरण गरिएको छ । नेपाल प्रहरी खेलकुद समितिले क्रिकेट खेलाडी उत्पादनको उद्देश्यका साथ आन्तरिक खेलकुद प्रतियोगिता सञ्चालन गर्ने अघिल्लो दिन सोमवार ट्रफी अनावरण गरिएको हो । प्रथम आइजिपी कप क्रिकेट प्रतियोगिता मंगलवार सुरु हुनेछ। ट्रफीको राष्ट्रिय प्रहरी प्रशिक्षण […]

March 10, 2025

नेपाल हङकङसँग झिनो अन्तरमा पराजित

काठमाडौं (हाम्रो खेलकुद )- वुमन्स डे अन्तराष्ट्रिय क्रिकेट सिरिजमा नेपाल आज हङकङसँग २ रनको झिनो अन्तरले पराजित भएको छ। जारी सिरिजमा नेपालको यो दोस्रो हार हो। जितको लागि १ सय १ रनको विजय लक्ष्य पछाएको नेपाल २० ओभरमा ७ विकेट गुमाउँदै ९८ रनमा समेटियो। योसँगै नेपालले २ रनको हार बेहोरेको हो। नेपालले सुरुवात राम्रो गर्न […]

March 10, 2025

इन्डो–नेपाल क्रिकेट – बाहुनडाँगी सेमिफाइनलमा

हिमाल खरेल,मेचीनगर झापाको मेचीनगर–४ बाहुनडाँगीमा जारी इन्डो–नेपाल टिट्वान्टी क्रिकेट प्रतियोगितामा आदर्श युवा क्लब बुधबारेलाई ४ विकेटले पराजित गर्दै आयोजक बाहुनडाँगी युवा क्लब सेमिफाइनल प्रवेश गरेको छ । सरस्वती माविको खेल मैदानमा टस जितेर पहिलो ब्याटिङ गरेको बुधबारेले १६.३ ओभरमा सबै विकेट गुमाउँदै ७२ रन बनाएको थियोे । बुधबारेका लागि रिजन लिम्बू र अर्पण कार्कीले सर्वाधिक […]

Success

Thank you for your time.