नेपालले टस जित्यो, सोमपाललाई विश्राम

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत समूहको अन्तिम खेलमा नेपालले साउदी अरबको सामना गर्दैछ । वर्षाको प्रभावले केही ढिलो भएको खेल नेपाली समयअनुसार दिउँसो २:१५ बजे सुरु हुँदैछ ।

पिच भिजेको कारण ढिलो सुरु हुन लागेको खेल ८ ओभरको हुनेछ । नेपालका कप्तान रोहित पौडेलले टस जितेर पहिलो फिल्ड गर्ने निर्णय लिएका छन् ।

नेपालले टोलीमा एक परिवर्तन पनि गरेको छ । सोमपाल कामीको स्थानमा प्रतिश जिसीले अवसर पाएका छन् ।

नेपाल समूह विजेता बन्दै सेमिफाइनलमा अघि बढिसकेको छ । साउदीलाई भने सेमिफाइनलमा पुग्न जित आवश्यक छ । अर्को खेलमा हङकङ र मलेसियाको नतिजाले पनि समीकरणमा प्रभाव पार्नेछ ।

नेपालको प्लेइङ ११:

आसिफ शेख, कुशल भुर्तेल, कुशल मल्ल, रोहित पौडेल (कप्तान), सन्दीप जोरा, गुलशन झा, दीपेन्द्रसिंह ऐरी, ललित राजवंशी, करण केसी, अभिनाश बोहोरा, प्रतिश जिसी

बेन्च: अनिल शाह, विवेक यादव, सोमपाल कामी