10 months ago
April 14, 2024
टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो ।
जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ । केल्मी नेपालले तयार पार्ने जर्सी अमेरिकामा आधिकारिक विक्रिको अधिकारका लागि एक्जोबी यूएसए दिएको छ ।
एक्जोबीका व्यवस्थापकद्वय सुमन क्षेत्री र केशव दाहाल तथा केल्मी नेपालका निर्देशक प्रदिप न्यौपानेबिच मेरिल्याण्डको बाल्टिमोरमा सम्झौता भएको छ । सम्झौता अनुसार केल्मी नेपालले एक्जोबी यूएसएलाई विश्वकपमा नेपालले लगाउने जर्सीलाई उपलब्ध गराउने छ । जसका लागि केल्मी नेपालले जर्सीलाई अमेरिकासम्म पुर्याउने जिम्मा लिएको छ ।
केल्मी नेपालले पहिलो पटक कुनैपनि खेलकुदको विदेशी अधिकार विक्रि गरेको हो । पछिल्लो पटक नेपाली क्रिकेट टोलीको बढ्दो लोकप्रियतालाई आत्मसाथ गर्दै विश्वकपमा नेपाललाई समर्थन गर्ने समर्थकलाई सोही गुणस्तरको जर्सी लगाएर विश्वकप हेर्ने मौका मिलोस् भन्ने मनसायका साथ सम्झौता भएको बताइएको छ ।
जर्सीलाई अनलाईनको माध्यमबाट विक्रि गरिने एक्जोबी यूएसएका ब्यवस्थापक क्षेत्रीले बताए । जसका लागि बेवसाईट तयार पारिएको छ । एउटा जर्सीको मुल्य ३९.९९ अेमेरिकी डलर राखिएको छ ।
नेपालको जर्सी लगाएर विश्वकप हेर्न चाहने अमेरिकामा रहेका समर्थकका लागि खुसीको विषय रहेको एक्जोबीका व्यवस्थापक क्षेत्रीले बताए । विक्रि भएको हरेक जर्सीबाट ३ अमेरिकी डलर खेलाडी घाइते हुँदा सहयोगका लागि बनाइने अक्षय कोषमा दिइने ।
विश्वकप हेर्नका लागि अमेरिकामा रहेका नेपाली समर्थक निकै उत्साहित रहेको र जर्सी खरिदका लागि सोधखोज सुरु भइसकेको बताइएको छ । यो सम्झौताले समर्थकले सहजै जर्सी खरिद गर्न सक्ने अपेक्षा राखिएको छ ।
सम्झौतापछि केल्मी नेपालका निर्देशक न्यौपानेले क्रिकेटको माध्यमबाट केल्मीलाई अमेरिकामा पनि चिनाउन पाउँदा निकै खुसी लागेको बताए । यसले आफूहरुलाई उत्साहित बनाएको उल्लेख गर्दै न्यौपानेले सहकार्य भविष्यमा पनि कायम रहने अपेक्षा राखेको बताए ।
विश्वकप आउन करिब डेढ महिना भन्दा बढिको समय बाँकी हुँदा जर्सी विक्रि आउने दिनमा बढ्ने अपेक्षा एक्जोबी यूएसएले गरेको छ । नेपालका लागि केल्मी आफैले अनलाइनमार्फत जर्सीको प्रि अर्डर सुरु गरिसकेको छ ।
January 31, 2025
एजेन्सी – घरेलु भुमी तथा युएईमा आयोजना हुने च्याम्पियन्स ट्रफीका लागि डिफेन्डिङ च्याम्पियन पाकिस्तानी टोलीको घोषणा भएको छ । पाकिस्तान क्रिकेट बोर्ड (पीसीबी) ले शुक्रवार मोहम्मद रिजवानको कप्तानीमा १५ सदस्यीय टोलीको घोषणा गरेको हो । १९ फेब्रुअरी देखि ९ मार्च सम्म पाकिस्तानमा आयोजना हुने आईसीसी च्याम्पियन्स ट्रफी २०२५ को लागि पीसीबीले ११ फेब्रुअरी सम्म टोलीमा […]
January 31, 2025
काठमाडौं(हाम्रो खेलकुद) – क्रिकेट एक्सिलेन्स सेन्टर (सिएसी) र न्यु भिजन क्लबले प्रधानमन्त्री कप पुरुष क्रिकेट काठमाडौं जिल्ला छनोटमा विजयी सुरुवात गरेका छन् । मुलपानी क्रिकेट मैदानमा शुक्रवार सिएसीले हिमालयन क्रिकेट एकेडेमी ‘बी’ र न्यु भिजनले नेक्सस क्रिकेट एकेडेमीलाई पराजित गर्यो । पहिलो खेलमा सिएसीले हिमालयनविरुद्ध ७६ रनको सहज जित निकाल्यो । १ सय ८३ रनको […]
January 31, 2025
काठमाडौं(हाम्रो खेलकुद) – थाइल्याण्डले त्रिकोणात्मक टि ट्वान्टी आई सिरिजको दोस्रो खेलमा शुक्रवार नेदरल्याण्ड्सलाई ८ विकेटले हराएको छ । १ सय २३ रनको लक्ष्य थाइल्याण्डले १८ ओभरमा २ विकेट गुमाएर पूरा गर्यो । थाइल्याण्डको जितमा नान्नापत खोन्चरोएन्कले नट आउट रहँदै सर्वाधिक ५६ रन जोडिन् । उनले ५० बलमा ५ चौका प्रहार गरिन् । अफिसारा सुवान्चोनरथी २४ […]
