मस्कट (हाम्रो खेलकुद) – ओमानमा जारी एसिसि मेन्स प्रिमियर कप अन्तर्गत समूह बि को आज भएको पहिलो खेलमा कुवेतले सहज जित दर्ता गरेको छ । पहिलो खेलमा युएई विरुद्ध पराजय भोगेको कुवेतले आज भयेक कम्बोडिया माथि ८ विकेटको सहज जित दर्ता गरेको हो ।

कम्बोडियाले दिएको १४२ रनको मध्यम लक्क्ष कुवेतले ११.२ ओभरमै २ विकेट गुमाएर भेटायो । कुवेतका लागि ओपनर रविजा सान्दारुवनले ३३ बलमा ३ चौका र ७ छक्का सहित सर्वाधिक ६१ रन बनाए । यस्तै मित भावसरले  क्लिन्टो आन्तोले २२ रन जोडे । उस्मान पटेलले ९ रन बनाए ।

कम्बोडियाका लागि लुक्मान बट र साल्भिन स्टानलिले १-१ विकेट लिए ।

त्यसअघि अल अमेरात मैदानमा टस जितेर ब्याटिङ रोजेको कम्बोडियाले निर्धारित २० ओभरमा ५ विकेट गुमाएर १४१ रन बनायो । कम्बोडियाका लागि राम शरणले सर्वाधिक ३० रन बनाउँदा लुक्मान बटले २४, एटिएन बिउकेसले २३ तथा शर्वन गोदाराले र भिमुक्थी भिराजले समान २२ रन बने ।

कुवेतका लागि शाहरुख कुद्दुस, इल्यास अहमद, पर्भिंदर कुमार र निमिश लतिफले समान १-१ विकेट लिए ।

जित पछि कुवेतको २ खेलमा २ अंक भएको छ । कम्बोडियाको भने आज पहिलो खेल रहेको थियो ।

प्रतियोगितामा युएई र बहराइन बिचको खेल जारी छ भने दिनको ४:१५ बजे समूह ए मा रहेका नेपाल र कतार तथा मलेसिया र साउदी अरेबिया भिड्ने छन् । 

दुवै समूहबाट शीर्ष २ टोलीले सेमिफाइनलमा स्थान बनाउनेछन् । प्रतियोगिताको विजेता मात्र एसिया कपका लागि छनोट हुनेछ ।