3 months ago
April 1, 2024
सुमन अधिकारी, बुटवल
धनगढी क्रिकेट एकेडेमी रुपन्देहीमा जारी छैटौं खड्ग प्रसाद गौचन मेमोरियल यु १९ क्रिकेट प्रतियोगिताको फाइनलमा प्रवेश गरेको छ।
धनगढीले मंगलबार हुने फाइनलमा पल्सर सिइसी काठमाण्डौंको सामना गर्नेछ। सिइसी आइतबार मदन भण्डारी स्पोर्टस एकेडेमीलाई २ विकेटले हराउँदै फाइनल पुगेको थियो।
दोस्रो सेमिफाइनलमा सोमबार धनगढीले स्टार क्रिकेट एकेडेमी रुपन्देहीलाई ३४ रनले पराजित गर्दै अन्तिम दुईको यात्रा तय गरेको हो ।
नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले आफ्नो बुबाको नामबाट रुपन्देहीको तिलोत्तमा निमार्णाधिन एक्स्ट्रा टेक ओभल अन्तराष्ट्रिय क्रिकेट मैदानमा प्रतियोगिता आयोजना गरिरहेका छन् ।
टस जितेर स्टार एकेडेमीले फिल्डिङ रोजेको थियो ।
धनगढीले २५.२ ओभरमा सबै विकेट गुमाउँदै ९९ रन मात्र बनाउन सक्यो।
धनगढीका अशिष लुहारले ३० बलमा ३४ रन, निशाम रेग्मीले १२ रन बनाए। स्टार एकेडमीका बलर शुभम् पाण्डेले ३.२ ओभरमा मात्र १० रन खर्चेर ३ विकेट लिए। प्रिन्स पालले ३ र शुभम खनालले २ विकेट लिए ।
१ सय रनको लक्ष्य पछ्याउदै स्टार एकेडेमी २६ ओभरमा सबै विकेट गुमाउँदै ६५ रनमा अल आउट भयो । स्टारका कुनै ब्याटर चलेनन् । कुनै ब्याटरले दोहोरो अंकमा रन बनाएनन् ।
धनगढीका सचिन साउदले ८ ओभर गर्दै २ मेडन राख्दै १५ रन खर्चेर ३ विकेट लिए। सचिन मल्लले पनि ३ विकेट लिए । खेलमा धनगढीका सचिन साउद प्लेयर अफ दि म्याच भए ।
–धनगढी क्रिकेट एकेडेमी हुनुपर्नेमा अन्यथा भएकोले सच्चाइएको छ।
July 5, 2024
काठमाडौं (हाम्रो खेलकुद) – म्याच फिक्सिङको मुद्दाबाट सफाइ पाएका अलराउन्डर आदिल आलमको निलम्बन फुकुवा सम्बन्धी प्रक्रिया अघि बढेको छ । नेपाल क्रिकेट संघ (क्यान) को केन्द्रीय समिति बैठक सफाई पाएका आदिलको निलम्बन फुकुवा सम्बन्धित प्रक्रिया अघि बढाएको छ । बैठकले अल राउन्डर आदिल निलम्बन फुकुवाको प्रकिया क्यानको अनुशासन समितिलाई १ हप्ता भित्र निर्णय गर्न जिम्मेवारी […]
July 5, 2024
काठमाडौं (हाम्रो खेलकुद) – नेपालको आफ्नै फ्रान्चाइज टि-ट्वान्टी प्रतियोगिता नेपाल प्रिमियर लिग (एनपिएल) आउँदो नोभेम्बर डिसेम्बरमा हुने भएको छ । बिहीबार र शुक्रबार बसेको नेपाल क्रिकेट संघ (क्यान) को केन्द्रीय समितिको बैठकले यसै वर्ष सो प्रतियोगिता आयोजना गर्ने निर्णय गरेको हो । पछिल्लो पटक नेपाल टि-२० नामले चलेको यस प्रतियोगितामा विभिन्न विवादमा मुछिएको थियो । […]
July 5, 2024
काठमाडौं (हाम्रोखेलकुद) – नेपाली राष्ट्रिय टोलीका लेग स्पिनर सन्दिप लामिछाने सेन्ट्रल कन्ट्रयाक्टमा पुनर्स्थापित भएका छन् । बिहीबार र शुक्रवार बसेको नेपाल क्रिकेट संघ (क्यान) को केन्द्रीय समिति बैठकले सन्दिपलाई पुनः सेन्ट्रल कन्ट्रयाक्टमा अनुबन्ध गर्ने निर्णय गरेको हो । सन्दिप सेन्ट्रल कन्ट्रयाक्टको ‘ए’ ग्रेडमा रहने क्यानले जानकारी गराएको छ । उनलाई टि-२ ०आईमा १०० विकेट लिएका […]