सुमन अधिकारी,बुटवल

पल्सर सिइसी काठमाण्डौ रुपन्देहीमा जारी छैटौं खड्ग प्रसाद गौचन मेमोरियल यु -१९ क्रिकेट प्रतियोगिता २०८० को फाइनलमा प्रवेश गरेको छ ।

आइतबार भएको पहिलो सेमिफाइनलमा मदन भण्डारी स्पोर्टस एकेडेमीलाई २ विकेटले पराजित गर्दै सिइसी
अन्तिम दुईमा पुगेको हो ।

नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले आफ्नो बुबाको नाममा प्रतियोगिता आयोजना गरेका हुन्।

रुपन्देहीको तिलोत्तमा निमार्णाधिन एक्स्ट्रा टेक ओभल क्रिकेट मैदानमा जारी प्रतियोगितामा आइतबार टस जितेर मदन भण्डारी स्र्पोटस एकेडेमीले ब्याटिङ रोजेको थियो । एकेडेमीले निर्धारित ४० ओभरमा सिइसीलाई १ सय ८९ रन बनाएको थियो ।

मदन भण्डारीका लागि विजय प्रजापतीले ५६ बलमा ७२ रन तथा विशाल भुषालले ४८ बलमा ३६ रन बनाए थिए।
सिइसीका धिरज दुबाले ३ तथा दयानन्द मण्डल र स्मिथ बुढाले समान २ विकेट लिएका थिए ।
सिइसीले ३९.३ ओभरमा ८ विकेटको नोक्सानीमा लक्ष्य पूरा गरेको थियो। सिइसीका सिद्धार्थ साउदले ९१ बलमा ८१ रन तथा समिर विष्टले ७९ बलमा ५१ रन बनाउँदै जितको आधार तयार पारेका थिए।

८१ रन बनाएका सिइसीका सिद्धार्थ साउद प्लेयर अफ दी म्याच घोषित भएका थिए । प्रतियोगितामा सोमबार स्टार एकेडेमी र कैलाली जिल्ला क्रिकेट संघ धनगढीबीच दोस्रो सेमिफाइनल खेल‌ हुनेछ ।