काठमाडौं (हाम्रो खेलकुद) – इन्डियन प्रिमियर लिग (आइपिएल) अन्तर्गत १२ औं खेलमा गुजरात टाइटन्सले सनराइजर्स हैदरावादलाई पराजित गरेको छ ।

हैदरावादलाई ७ विकेटले हराउँदै आइपिएलको जारी सिजनमा गुजरातले दोस्रो जित दर्ता गरेको हो । हैदरावादले प्रस्तुत गरेको १ सय ६३ रनको लक्ष्य गुजरातले अन्तिम ओभरको पहिलो बलमा पूरा गर्यो ।

गुजरातका लागि डेविड मिलरले विजयी छक्का प्रहार गर्दै कुल ४४ रन जोडे । उनले २७ बलमा ४ चौका र २ छक्का प्रहार गरे । साइ सुदर्शनले ३६ बलमा ४ चौका र १ छक्कासहित ४५ रन जोडेका थिए ।

कप्तान शुभ्मन गिल ३६ र ऋद्धिमान शाह २५ रनमा आउट भएका थिए । विजय शंकर १४ रनमा नटआउट रहे । हैदरावादका शहबाज अहमद, मयंक मारकन्डे र प्याट कमिन्सले १-१ विकेट लिए ।

त्यसअघि हैदरावादले २० ओभरमा ८ विकेट गुमाएर १ सय ६२ रन बनाएको थियो । अभिषेक शर्मा र अब्दुल समादले २९-२९ रन जोडे । हाइनरिक क्लासेन १३ बलमा २४ रन जोडेर आउट भए ।

गुजरातका मोहित शर्माले २५ रन खर्चेर ३ विकेट लिएका थिए । अज्मत ओमारजाइ, उमेश यादव, रशिद खान र नुर अहमदले १-१ विकेट लिए ।

अंक तालिकामा चौथो स्थानमा रहेको गुजरातको २ खेलमा ४ अंक छ । हैदरावाद भने ३ खेलमा २ अंकसहित पाँचौ स्थानमा छ । दिल्ली र मुम्बई अंकविहिन छन् । चेन्नई, कोलकाता र राजस्थानको ४-४ तथा लखनउ, पन्जाब र बेंगलुरुको २-२ अंक छ ।

आजको दोस्रो खेलमा दिल्लीले चेन्नईविरुद्ध टस जितेर पहिलो ब्याटिङ गर्दैछ ।