10 months ago
March 30, 2024
काठमाडौं (हाम्रो खेलकुद) – नेपाल ‘ए’ ले आयरल्यान्ड वल्भ्सविरुद्ध जारी टि२० सिरिजको दोस्रो खेल आज खेल्दैछ । खेल दिउँसो १ बजे टियु अन्तर्राष्ट्रिय क्रिकेट मैदानमा सुरु हुनेछ ।
शुक्रबार भएको पहिलो खेलमा नेपाल २१ रनले पराजित भएको थियो । जितका लागि २ सय २३ रनको लक्ष्य पछ्याउने क्रममा नेपाल २ सय १ रनमा समेटिएको थियो । एक समय सहजै जिततर्फ उन्मुख नेपाली टोली राम्रो फिनिसिङ नहुँदा हार बेहोर्न पुगेको थियो । लोकेश बमको शतक र आरिफ शेखको जिम्मेवारी इनिङले नेपाल बलियो स्थितिमा पुगेको थियो ।
आज टोलीमा केही परिवर्तन गर्ने सम्भावना छ । अलराउन्डर पवन सर्राफ र नारायण जोशीले आज अवसर पाउन सक्छन् । यता आयरल्यान्डले पनि स्पिनर बेन ह्वाइटलाई उतार्न सक्छ ।
आजको खेल जिते वल्भ्सले सिरिज जित्नेछ । शनिबार भएका कारण घरेलु समर्थकको बाक्लो उपस्थिति रहने अपेक्षा गरिएको छ ।
नेपाल ‘ए’ टि२० टोली : विनोद भण्डारी (कप्तान), लोकेश बम, देव खनाल, पवन सर्राफ, किरण ठगुन्ना, आरिफ शेख, अर्जुन घर्ती, नारायण जोशी, बसिर अहमद, राशिद खान, सागर ढकाल, विपिन खत्री, कमल सिंह ऐरी, हेमन्त धामी, विकास आग्री
आयरल्यान्डको टोली :
निल रक (कप्तान), रस अडेर, केड कारमाइकल, ग्यारेथ डेल्नी, स्टेफन डोहेनी, म्याथ्यु फोस्टर, फिओन ह्यान्ड, ग्याभिन होए, म्याथ्यु हम्फ्रिज, टम मेयस, लियाम मकार्थी, जेम्स मक्कोलम, पिजे मुर, मोर्गन टपिङ, बेन व्हाइट
प्रशिक्षक : रायन इगल्सन
सहायक प्रशिक्षक : पिट जोन्सन, क्रिस ब्राउन
आयरल्यान्ड ‘ए’ को नेपाल भ्रमण (मार्च २४-अप्रिल७)
मार्च २४ – टि२० – नेपाल विरुद्ध आयरल्यान्ड वल्भ्स – नेपाल ६ विकेटले विजयी
मार्च २५ – टि२० – नेपाल विरुद्ध आयरल्यान्ड वल्भ्स – नेपाल ७१ रनले विजयी
मार्च २९ – टि२० – नेपाल ‘ए’ विरुद्ध आयरल्यान्ड वल्भ्स – वल्भ्स २१ रनले विजयी
मार्च ३० – टि२० – नेपाल ‘ए’ विरुद्ध आयरल्यान्ड वल्भ्स
अप्रिल १ – टि२० – नेपाल ‘ए’ विरुद्ध आयरल्यान्ड वल्भ्स
अप्रिल ३ – एकदिवसीय – नेपाल ‘ए’ विरुद्ध आयरल्यान्ड वल्भ्स
अप्रिल ५ – एकदिवसीय – नेपाल ‘ए’ विरुद्ध आयरल्यान्ड वल्भ्स
अप्रिल ७ – एकदिवसीय – नेपाल ‘ए’ विरुद्ध आयरल्यान्ड वल्भ्स
February 1, 2025
काठमाडौं(हाम्रो खेलकुद) – नेपालले थाइल्याण्डलाई महिला त्रिकोणात्मक टि ट्वान्टी आई सिरिजको आफ्नो दोस्रो खेलमा प्रतिस्पर्धात्मक लक्ष्य दिएको छ । नेपालले थाइल्याण्डलाई १ सय २ रनको प्रतिस्पर्धात्मक लक्ष्य दिएको छ । कीर्तिपुरस्थित टियु क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा ९ विकेट गुमाएर १ सय १ रन बनायो । नेपालका लागि कविता […]
February 1, 2025
काठमाडौं(हाम्रो खेलकुद) – आयोजक टाइगर ग्रुप न्यु डायमण्ड स्पोर्टस क्लबलाई हराउँदै टाइगर कप भलिबलमा महिला तर्फको फाइनलमा पुगेको छ । पोखरा रंगशाला स्थित भलिबल कोर्टमा शनिवार भएको दोस्रो क्वालिफायर खेलमा न्यु डायमण्डलाई पराजित गर्दै टाइगर पहिलो पटक फाइनलमा पुगेको हो । आयोजकले न्यु डायमण्डलाई ३-१ को सेटमा पराजित गरेको हो । पहिलो सेट २५-१६ ले […]
February 1, 2025
काठमाडौं(हाम्रो खेलकुद) – त्रिकोणात्मक टि ट्वान्टी आई सिरिजको आफ्नो दोस्रो खेलमा थाइल्याण्डविरुद्ध नेपालले टस जितेको छ । कीर्तिपुरस्थित टियु क्रिकेट मैदानमा नेपालकी कप्तान इन्दु बर्माले टस जितेर ब्याटिङ रोजेकी हुन् । नेदरल्याण्ड्ससँग खेलेको नेपाली टोलीमा १ परिवर्तन भएको छ । इश्वरी विष्टको स्थानमा ममता चौधरीलाई मौका दिएको छ । ममता भर्खरै सकिएको महिला प्रधानमन्त्री कपको […]
