11 months ago
March 21, 2024
सुमन अधिकारी, बुटवल
नेपालका पूर्व अन्तर्राष्ट्रिय क्रिकेट खेलाडी शक्ति प्रसाद गौचनले आफ्नो बुबाको नामबाट सुरु गरेको अन्डर १९ क्रिकेट प्रतियोगितालाई छैठौं संस्करणबाट राष्ट्रिय स्तरको प्रतियोगिता बनाएका छन् ।
प्रतियोगिताको पाचौं संस्करणसम्म रुपन्देही जिल्लाका क्लब तथा एकेडेमीहरुको सहभागितामा आयोजना गर्दै आएको प्रतियोगितालाई छैठौं संस्करणबाट रुपन्देही जिल्लाभन्दा बाहिरबाट पनि क्लब सहभागी गराउने घोषणा गरेका हुन ।
बिहीबार पत्रकार सम्मेलनको आयोजना गर्दै छैठौ खड्ग प्रसाद गौचन ममोरियल यु–१९ क्रिकेट प्रतियोगिता चैत १० गतेबाट सुरु हुने जानकारी गराइएको थियो । गौचनले सञ्चालन गर्दै आएको स्टार क्रिकेट एकेडेमीको आयोजना तथा क्रिकेट एशोसिएशन अफ रुपन्देहीको सहकार्यमा हुन लागेको प्रतियोगितामा पहिलो चरणका खेल लिगका आधारमा हुने बताइएको छ ।
प्रतियोगिताको सबै तयारी पूरा भएको एकेडेमीका संस्थापक गौचनले बताएका छन् । प्रतियोगिता भर्खरै निमार्ण गरिएको अन्तर्राष्ट्रिय एस्क्ट्राटेक ओवल क्रिकेट मैदानमा आयोजाना हुने गौचनले जानकारी दिएका छन् ।
प्रतियोगितामा रुपन्देहीका ४ तथा अन्य जिल्लाका ४ गरि ८ टोली सहभागी हुदैछन् । समूह ए मा स्टार क्रिकेट एकेडेमी, बोस्टन क्रिकेट क्लब, वेष्ट्रन क्रिकेट एकेडेमी, मदन भण्डारी स्पोर्ट्स एकेडेमी तथा समूह बि मा पल्सर सिईसि काठमाडौ, डिष्ट्रिक एशोसिएशन अफ कास्की, डिसिए धनगढी र न्यू होराईजन स्पोर्ट्स क्लब छन् ।
तिलोत्तमा नगरको एस्क्ट्राटेक ओभेल क्रिकेट मैदानमा हुने प्रतियोगिताको लिग चरणका खेलहरु २५ ओभर तथा सेमिफाइनल र फाइनल खेल ४० ओभरको हुने गौचनले बताएका छन् ।
प्रतियोगिताको विजता टोलीले ५० हजार र दोस्रो हुने टोलीले २५ हजार रुपैयाँ प्राप्त गर्नेछ । २० गतेसम्म चल्ने प्रतियोगितामा करिब ६ लाख रुपैयाँ खर्च हुने अनुमान रहेको छ ।
February 13, 2025
एजेन्सी – त्रिकोणात्मक ओडिआई सिरिजमा दक्षिण अफ्रिकाविरुद्धको खेलमा शाहीन शाह अफ्रिदी सहित ३ पाकिस्तानी खेलाडीलाई आइसिसीले कारबाही गरेको छ । अफ्रिदी सहित साउद शकील र कामरान गुलामलाई आइसिसीको आचार संहिताको लेभल १ उल्लङ्घन गरेको आरोपमा जरिवाना र डिमेरिट प्वाइन्ट दिइएको छ । अफ्रिदीलाई आचार संहिताको धारा २.१२ को उल्लङ्घन गरेको आरोपमा म्याच फीको २५ प्रतिशत […]
February 13, 2025
एजेन्सी – आगामी महिनाबाट सुरु हुने आइपिएल २०२५ का लागि रजत पाटीदारलाई रोयल च्यालेन्जर्स बेंगलोरको कप्तान नियुक्त गरिएको छ । बिहीबार बेंगलुरुले टिम निर्देशक मो बोबत र मुख्य प्रशिक्षक एन्डी फ्लावरको उपस्थितिमा उक्त घोषणा गरेको हो । पाटीदारले सन् २०२१ देखि बेंगलुरुका लागि ३ सिजन खेलेका छन् । बेंगलुरुका लागि उनले २८ खेलमा १५८.८५ को […]
February 13, 2025
एजेन्सी – विश्व कप लिग टु अन्तर्गत अमेरिका ओमानसँग पराजित भएको छ । अमेरिका बुधवार ओमानसँग ७ विकेटले पराजित भयो । १ सय ५२ रनको लक्ष्य ओमानले ४५.५ ओभरमा ३ विकेट गुमाएर पूरा गर्यो । ओमानको जितमा कप्तान जतिन्दर सिंहले नट आउट रहँदै सर्वाधिक ८२ रन जोडे । उनले १ सय २७ बलको सामना गर्दै […]
