8 months ago
March 11, 2024
तिलोत्तमा (हाम्रो खेलकुद) – २०१४ विश्वकप लिजेन्ड्स टोली नवनिर्मित एक्स्ट्राटेक ओभल क्रिकेट मैदानमा आज भइरहेको तिलोत्तमा एक्स्ट्राटेक लिजेन्ड कप टी–१० क्रिकेट प्रतियोगिताको फाइनलमा प्रवेश गरेको छ । १९९६ लिजेन्ड्सलाई ५ विकेटले हराउदै २०१४ विश्वकप टोली प्रतियोगिताको फाइनलमा प्रवेश गरेको हो ।
१९९६ लिजेन्ड्स टोलीले दिएको रनको लक्ष्य २०१४ विश्वकप टोलीले ९.४ ओभरमा ५ विकेट गुमाएर पुरा गर्यो । २०१४ टोलीका लागि वीरेन्द्र शाहले २३ बलमा ३ चौका र २ छक्का सहित सर्वाधिक ३५ रन बनाए । यस्तै दिपेन लाम्गादेले ८ तथा शक्ति गौचन र शरद भेसवाकरले समान अविजित ६-६ रन बनाए । जितेन्द्र मुखियाले ५ रनको योगदान गरे ।
१९९६ टोलीका लागि वसन्त शाही ठकुरीले ३ तथा किरण रन र लेख बहादुर क्षेत्रीले १-१ विकेट लिए ।
त्यसअघि टस हारेर पहिले ब्याटिङको निम्तो पाएको १९९६ टोलीले निर्धारित १० ओभरमा विकेट गुमाएर रन बनायो । १९९६ का लागि ओपनर राजु खड्काले २० बलमा ४ चौका र १ छक्का सहित सर्वाधिक २७ रन बनाए । यस्तै मनिष राज पाण्डेले ७ बलमा ११ रन बनाए ।
जगत टमाटाले ९, कप्तान लेख बहादुर क्षेत्रीले ४, सञ्जय गुरुङले ३ तथा पुकार पन्त र वसन्त शाही ठकुरीले समान २-२ रन बनाए । नीर राजोपाध्याय र किरण रानाले १-१ रनको योगदान गरे । मुष्रफ इजहर र पावन अग्रवाल शून्यमा आउट भए ।
२०१४ टोलीका लागि शक्ति गौचन र श्यामसन जंग थापाले समान २-२ विकेट लिए भने बद्री पंगेनी, दिपेन लाम्गादे र ममता थापाले समान १-१ विकेट लिए ।
तिलोत्तमा नगरपालिका–१७ पूर्व दरखसवामा निर्मित एक्स्ट्राटेक ओभल मैदानको उद्घाटन स्वरुप सोमबार तिलोत्तमा एक्स्ट्राटेक लिजेन्ड कप टि–१० प्रतियोगिता आयोजना भइरहेको हो ।
प्रतियोगितामा नेपालले सन् १९९६ मा मलेसियामा पहिलो एसीसी ट्रफीमार्फत अन्तर्राष्ट्रिय क्रिकेटमा प्रवेश गर्दाको सहभागी खेलाडीको टोली लिजेन्ड्स ९६, विश्वकप २०१४ मा सहभागी टोली, रेस्ट अफ नेपाल तथा रुपन्देही लिजेन्ड्स टोली सहभागी हुने छन् ।
दोस्रो खेलमा रुपन्देही लिजेन्ड्स र रेस्ट अफ नेपाल भिड्ने छन् । सो खेलको विजेताले २०१४ टोली विरुद्ध उपाधिका लागि आज नै खेल्नेछ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]