8 months ago
March 9, 2024
हेटौंडा (हाम्रो खेलकुद)- हेटौंडा स्कुल अफ म्यानेजमेन्ट हेटौंडा र नेशनल इन्फोटेक कलेज पर्साले हुप्रचौरमा सुरु भएको टी–२० क्रिकेटमा विजयी सुरुवात गरेको छ।
म्यानेजमेन्टले सिटी कलेज हेटौंडालाई ७ विकेट र इन्फोटेकले सिमरा कलेज वीरगञ्जलाई ३६ रनले पराजित गरेको हो ।
सिटी कलेजले पहिला ब्याटिङ गर्दै २० ओभरमा सम्पूर्ण विकेट गुमाउँदै १ सय १३ रन बनाएको थियो । म्यानेजमेन्टले १५ ओभरमा ३ विकेट गुमाएर जित निकालेको थियो। ६२ रन बनाएका म्यानेजमेन्टका युविन बुढाथोकी म्यान अफ दी म्याच घोषित भए ।
हेटौंडा जेसीजको आयोजनामा हेटौंडा–४ मा सुरु प्रतियोगितामा शनिबार दोस्रो खेलमा निर्धारित २० ओभर व्याटिङ गर्दै वीरगञ्जले ९ विकेट गुमाएर कुल १ सय १८ रन बनाएको थियो ।
उकजवाफी व्याटिङ गरेको सिमरा १९ ओभरमा सबै विकेट गुमाउँदै ८२ रनमा समेटिएको थियो । खेलमा वीरगञ्जका मन्थन यादब म्यान अफ दी म्याच घोषित भए ।
बागमती प्रदेश खेलकुद विकास परिषद्का सदस्यसचिव सूर्यलाल भण्डारीले प्रतियोगिताको उद्घाटन गरेका थिए । प्रतियोगितामा मकवानपुरको हेटौंडा स्कुल अफ म्यानेजमेन्ट, हेटौंडा सिटी कलेज र नारायणी कलेज, बाराको सिमरा क्याम्पस, पर्साको नेशनल इन्फोटेक र चितवनको एरोभा कलेजले सहभागिता रहेको हेटौंडा जेसीज अध्यक्ष विकेशलाल श्रेष्ठले जानकारी दिए ।
प्रतियोगितामा विजेताले ५० हजार र दोस्रो हुने टोलीले २५ हजार रुपैयाँसहित ट्रफी, मेडल र प्रमाणपत्र प्राप्त गर्नेछन् । प्रतियोगिताको उत्कृष्ट खेलाडीलाई १० हजार रुपैयाँ, उत्कृष्ट ब्याट्सम्यान र बलरलाई जनही ५ हजार रुपैयाा पुरस्कार प्रदान गरिने उनले बताए ।
कार्यक्रम संयोजक सुमन अर्यालका अनुसार प्रतियोगितामा झन्डै ४ लाख ५० हजार रुपैयाँ खर्च अनुमान गरिएको छ ।
हेटौंडा जेसीज सन् १९९२ का अध्यक्ष पूर्ण शाक्यको आमा अष्टकुमारी शाक्यको स्मृतिमा प्रतियोगिता वर्षेनी प्रतियोगिता हुने गरेको छ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]