8 months ago
March 6, 2024
काठमाडौं (हाम्रो खेलकुद) – नेपाल सरकारले नेपाल क्रिकेट संघ (क्यान) बाट टि२० विश्वकपको तयारीका लागि राष्ट्रिय खेलकुद परिषदमार्फत माग गरेको ५ करोड रुपैयाँ निकासा गरेको छ ।
नेपाल क्रिकेट संघ (क्यान) का सचिव पारस खड्काले क्यानले प्रस्तुत गरको योजनाका लागि आवश्यक रकम सरकारबाट पूर्ण रुपमा निकासा भएको जानकारी दिए । ‘विश्वकप छनोटको फाइनलमा सम्माननीय प्रधानमन्त्री ज्यूले हामीलाई के-के आवश्यकता छ भनेर सोध्नुभएको थियो । वहाँले सरकारले पूर्ण रुपमा सहयोग गर्ने प्रतिवद्धता व्यक्त गर्नुभएको थियो । त्यसै अनुरुप हामीले छनोट भएको दुई सातापछि विस्तृत योजना राखेपमार्फत बुझाएका थियौं,’ खड्काले भने ।
‘आज दिउँसो मलाई राखेपबाट हाम्रो योजना अनुसार नै अर्थ मन्त्रालयबाट ५ करोड निकासा भएको सूचना प्राप्त भयो । यसले हाम्रो टिमको विश्वकप तयारीमा निकै ठूलो सहयोग पुगेको छ । सरकारलाई धन्यवाद दिन चाहन्छौं’,’ उनले थपे ।
सचिव खड्काका अनुसार क्यानले विश्वकपअघि विशेष प्रशिक्षण क्याम्प, सिरिज आयोजनासँगै विशेषज्ञ परामर्शदाताहरु ल्याउने लक्ष्यसहित विस्तृत योजना राखेपमार्फत बुझाएको थियो ।
‘हामीले अमेरिकामा विश्वकप सुरु हुनुभन्दा केही अघि नै त्यहाँ गएर क्याम्प राख्ने योजना बनाएका छौं । अमेरिका र वेस्ट इन्डिज निकै महँगो ठाउँ हुन् । त्यसैले अब यो सहयोगले हामीले २-३ साता अघि नै त्यहाँ पुगेर तयारी गर्न सहयोग पुग्छ । यसबाहेक अहिले भइरहेका सिरिज आयोजना गर्न र परामर्शदाता ल्याउन पनि सहज हुनेछ,’ खड्काले भने ।
नेपालले टि२० विश्वकपको समूह ‘डी’ मा दक्षिण अफ्रीका, श्रीलंका, बंगलादेश र नेदरल्यान्ड्स सँग खेल्नेछ । नेपालले पहिलो खेल जुन ४ मा नेदरल्यान्ड्ससँग अमेरिकाको टेक्ससमा र दोस्रो खेल ११ जुनमा श्रीलंकासँग अमेरिकाकै फ्लोरिडामा खेल्नेछ । त्यसपछि बाँकी दुई खेल वेस्ट इन्डिजको सेन्ट भिन्सेन्टमा हुनेछ । दक्षिण अफ्रिकासँग १४ जुन र बंगलादेशसँग १६ जुनमा खेल हुनेछ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]