8 months ago
March 2, 2024
काठमाडौं (हाम्रो खेलकुद) – पाँचपोखरी क्रिकेट क्लबले ह्योल्मो-११ लाई फाइनलमा पराजित गर्दै पाँचपोखरी जिल्लास्तरीय टि२० क्रिकेट प्रतियोगिताको उपाधि जितेको छ ।
मुलपानी क्रिकेट रंगशालामा सम्पन्न फाइनलमा पाँचपोखरी १३ रनको जित दर्ता गर्दै च्याम्पियन बनेको हो । सार्थक धितालको लगातार दोस्रो अर्धशतकमा पाँचपोखरीले ह्योल्मोसामु १ सय ६५ बलियो लक्ष्य प्रस्तुत गरेको थियो । तर ह्योल्मोले २० ओभरमा ८ विकेट गुमाएर १ सय ५१ रन मात्र जोड्न सक्यो ।
पाँचपोखरीका लागि प्रतियोगिताकै सर्वोत्कृष्ट खेलाडी समेत घोषित सार्थक धितालले ५२ बलमा ६ चौका र १ छक्कासहित ५३ रन बनाए । १५ औं ओभरमा आउट भएका उनले यसअघि सेमिफाइनलमा पनि अर्धशतक प्रहार गरेका थिए ।
पाँचपोखरीका लागि विवेक रानामगरले २१ बलमा ३७ रनको योगदान दिए । आर्यन धितालले २४ रन बनाए । ह्योल्मोका लाक्पा शेर्पाले १ विकेट लिँदा ३ खेलाडी रनआउट भएका थिए ।
जवाफमा भुवन खड्काले ३ विकेट लिएर ह्योल्मोलाई लक्ष्यसम्म पुग्न दिएनन् । नाम्गिल शेर्पाले ४४ बलमा ४७ रन जोड्दै इनिङ सम्हालेपनि अन्य ब्याटरले आक्रमण गर्न नसक्दा टोली उपविजेतामा सिमित भयो । विजय धिताल र विवेक रानामगरले २-२ विकेट लिए ।
प्रतियोगितामा पाँचपोखरीका सार्थक धिताल सर्वोत्कृष्ट खेलाडी हुँदा उनका पिता विजय धिताल उत्कृष्ट बलर भए । विजयले उक्त अवार्ड भने फाइनलमा उत्कृष्ट बलिङ गरेका आफ्नै टोलीका बलर भुवन खड्कालाई हस्तान्तरण गरे । ह्योल्मो-११ का विनोद तामाङ उत्कृष्ट ब्याटर बन्दा पाँचपोखरी हिमालयन क्रिकेट क्लबका पासाङ दोर्जे तामाङ उदियमान खेलाडी घोषित भए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]