6 months ago
February 28, 2024
काठमाडौं (हाम्रो खेलकुद) – आइसीसी क्रिकेट विश्वकप लिग -२ अन्तर्गत त्रिकोणात्मक सिरिजको पहिलो खेलमा क्यानडाले यूएईलाई पराजित गरेको छ ।
दुबई क्रिकेट स्टेडियममा बुधबार क्यानडाले ३ विकेटको जितका साथ लिग-२ मा विजयी सुरुवात गरेको हो । यूएईले प्रस्तुत गरेको १ सय ९५ रनको लक्ष्य क्यानडाले ४७.४ ओभरमा ७ विकेट गुमाएर पूरा गरेको हो । क्यानडाका लागि निकोलस किर्तनले अर्धशतक प्रहार गर्दै जितसम्म डोर्याए ।
यूएईले पहिलो ब्याटिङको निम्तो पाएपछि ४७.५ ओभरमा अलआउट हुँदै १ सय ९४ रन जोडेको थियो । ओपनर मोहमद वासिमले ८२ बलमा ४९ रन जोडेपनि शीर्षक्रमका अन्य ब्याटरबाट राम्रो साथ पाएनन् । तनिश सुरी (०), अलिशन शराफु (१५), असिफ खान (१६), राहुल चोपरा (४) र बसिल हमिद (१९) ले राम्रो खेल्न सकेनन् ।
सातौं विकेटका लागि आयान अफजल खान र जुहेब जुबेरले ३९ रनको साझेदारी गर्दै स्कोर बढाएका थिए । आयानले ५० बलमा ३८ रन तथा जुबेरले २६ बलमा ३१ रन बनाए ।
क्यानडाका लागि बायाँ हाते तीव्र गतिका बलर कलीम सानाले ४ विकेट लिए । डिलोन हेलिगरले २ तथा हर्ष ठाकर, अमर खालिद र साद बिन जाफरले १-१ विकेट बाँडे ।
जवाफमा क्यानडाले सुरुवाती ३ विकेट सस्तैमा गुमाएपनि राम्रो पुनरागमन गर्यो । ओपनर सृमन्थ विजयरत्ने र निकोलस किर्तनले चौथो विकेटका लागि ६४ रनको साझेदारी गर्दी जितको आधार तयार पारे । विजयरत्ने ८३ बलमा ६ चौकासहित ५९ रन जोड्दै कट बिहाइन्ड भए ।
त्यसअघि आरोन जोन्सन (४), पर्गत सिंह (६) र नवानित धलिवल (५) ले राम्रो सुरुवात गर्न सकेका थिएनन् । निकोलस किर्तन ९० बलमा ७ चौकासहित ६८ रनमा नटआउट रहे । उनलाई कप्तान जाफरले २१ रन जोडेर साथ दिएका थिए ।
यससँगै लिग-२ को तालिकामा क्यानडाको २ अंक भएको छ । रनरेटको आधारमा क्यानडा समान २ अंक जोडेको नेपालभन्दा माथि पनि उक्लेको छ । नामिबियाको ६ अंक हुँदा नेदरल्यान्ड्सको ४ अंक छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]