एजेन्सी – भारतले इङ्ल्यान्डलाई चौथो टेस्टमा सोमबार ५ विकेटले हराएपछि ५ टेस्टको श्रृखंगला जितेको छ । पाँचौं तथा अन्तिम टेस्ट अघि नै घरेलु टोली भारतले श्रृखंलामा ३–१ को अग्रता बनाएको छ ।

राचीमा दोस्रो इनिङमा जितका लागि १ सय ९२ रनको लक्ष्य पछ्याएको भारतले एक दिनको खेल बाँकी रहँदा नै ५ विकेटको क्षेतीमा पूरा गरेको थियो । विना विकेटको क्षती ४० रनबाट भारतले चौथो दिनको खेलको सुरुवात गरेको थियो ।

कप्तान रोहित शर्मा अर्धशतक र अर्का ओपनर यशस्वी जैसवालले ३७ रन जोडेका थिए । शुभमन गिलले अर्धशतकमा र ध्रुब जुरेल ३९ रनमा नटआउट गरे । रोहित ५५ रन बनाएर आउट भए । गिल ५२ रन जोड्दा टोलीले जित निकाल्यो । रजत पाटिदार र सरफराज खान खाता नखोल्दै आउट भए भने रविन्द्र जडेजाले ४ रन जोडे । ध्रुब खेलको म्यान अफ दी म्याच चुनिए ।

इङ्ल्यान्डका सोहेब बसिरले लन्चपछि दुई विकेट लिएपछि भारतको ५ विकेटको क्षतीमा लक्ष्यमा पुग्न ७२ रन जोड्नु पर्ने थियो । शुभमन र जुरेलले छैटौं विकेटका लागि ७२ रनको नटआउट साझेदारी गरेपछि जित सहज भएको थियो ।

त्यसअघि टोलीले १६ रन जोड्दा ३ विकेट गुमाएको थियो । इङ्ल्यान्डले पहिलो इनिङ्समा ३ सय ५३ र दोस्रो इनिङ्समा १ सय ४५ रन बनाएको थियो । भारतले पहिलो इनिङ्समा ३ सय ७ रन बनाएको थियो । अन्तिम टेस्ट धर्मशालामा मार्च ७ बाट सुरु हुनेछ ।