काठमाडौं (हाम्रो खेलकुद) – पाँच पोखरी टि२० जिल्लास्तरीय क्रिकेट प्रतियोगिताको दोस्रो दिन हिमालयन क्रिकेट क्लब र मेलम्चीले जित दर्ता गरेका छन् ।

हिमालयन क्रिकेट क्लबले चौतारा साँगाचोकगढी नगरपालिकालाई ६४ रनले हरायो । पाँचपोखरीले टस जितेर पहिला ब्याटिङ रोज्दै निर्धारित २० ओभरमा १२८ रन बनाएको थियो । पेम्बा तामाङले ५७ रनको पारी खेलेका थिए भने कप्तान पासाङ तामाङ ले २९ रन बनाए ।

जवाफी ब्याटिङमा ओर्लेको चौतारा ले १७.३ ओभरमा अल आउट हुँदै जम्मा ८३ रन बनायो । म्यान अफ द म्याच हिमालयनका करण तामाङले महत्त्वपूर्ण ४ विकेट लिन सफल भए ।

आजै भएको दोस्रो खेलमा मेलम्ची नगरपालिकाले जिक दर्ता गर्यो । इन्द्रावती गाउँपालिकाले टस जितेर पहिले ब्याटिङ गर्ने निर्णय गरेको थियो । निर्धारित २० ओभरमा ९ विकेटको क्षतिमा १ सय ३ रन बनाएको थियो ।

इन्द्रावती गाउँपालिका ब्याटर चन्द्रकान्त पौडेलले ३२ रन र उमंग धितालले २६ रन बाहेक अन्य कुनै पनि ब्याटर उल्लेख रन प्रहार गर्न सकेनन् । मेलम्ची नगरपालिकाका सोनु देवकोटाले ३ विकेट रिन्जिन लामा र प्रशिस श्रेष्ठ २-२ विकेट लिए ।

जवाफी ब्याटिङमा ओर्लेको मेलम्ची रिन्जिन लामाको ४२ रन र राकेश श्रेष्ठको २५ रन को मद्दतले १७.४ ओभरमा ४ विकेट को क्षतिमा लक्ष्य हासिल गर्यो । म्यान अफ म्याच रिन्जिन लामा भए ।

भोलिको पहिलो खेल आयोजक पाँचपोखरी क्रीकेट क्लब र माइटी साङ्गाचोक तथा चौतारा साङाचोकगडी र भोटेचौर स्पोर्ट्स क्लब खेल्नेछन् ।